daajis.com:-Guddiga dabagalka cunaqabataynta ayaa warbixin ay qoreen waxa ay ku
eedeeyeen xubno sarsare oo ka tirsan dowlada Soomaaliya inay isku
dayeen in ay lunsadaan hantida dalka Soomaaliya ee dibadaha ku xayiran.
Guddiga dabagalka oo ka kooban siddeed xubnood ayaa waxa ay u
gudbyeen warbixin ka kooban 37 bog oo nuqul ka mid ah ay heshay
wakaalada wararka ee Reuters ayaa lagu sheegay in la isku dayay in
hantidan loo weeciyo dano gaar ah isla markaana loo xilsaaray in shirkad
shisheeye ah howshaasi ay qabato.
Shirkadan oo lagu magacaabo Shulman Rogers ayaa la sheegay in ay
ugaga mas’uul ahaayeen dowlada Soomaaliya labo nin oo ganacsato ah. Hase
yeeshee madaxa shirkada Shulman ayaa ku eedeeyay guddoomiyaha guddiga
dabagalka Qaramada Midoobay Jarat Chopra in uu shaki ku jiro qaabka
baaritaanka guddiga eedeyntoodana ay tahay mid aan sal lahayn.
Wasiirkii hore ee arrimaha dibada Fowziyo Yusuf oo haatan ka mid ah
Baarlamaanka Soomaaliya ayaa beenisay in ay wax dhaqaale ah ka heshay
kunturaada lala galay Shulman Rogers ayna wax cadaadis ah saarin Yussur
Abrar oo loo magacaabay guddoomiyaha bangiga dhexe balse iska casishay
howshaas toddobaad kadib markii ay la wareegtay xafiiskaas.
Warbixintan ay daabacday Reuters ayaa lagu sheegay in ay howsheedu
ahayd in ay dhisto muuqaalka dowlada ee arrimaha dibada balse aysan
marnaba ka shaqeyn sidii magaceeda iyo magaca dowladeeda ay ceeb u soo
jiido.
Xafiiska Madaxweynaha ayaa diiday in uu ka jawaabo warbixintan maadaama ay tahay mid aan si rasmi ah loo soo bandhigin.
Qoraal ka soo baxay xafiiska madaxweynaha ayaa lagu sheegay in dowlada
ay ka go’an tahay in ka shaqeyso horumarinta dalka isla markaana ay
dowladu samaysay qaab si rasmi ah loogula socon karo dhaqaalaha dalka
soo galo iyo habka loo isticmaalaba.
Qoraalkan ka soo baxay xafiiska madaxweynaha ayaa lagu sheegay in
Guddiga Maaliyada Dowlada ay talo ka raadsatay shirkado shisheeye si loo
helo hantida dalka ee dibadaha ugaga maqan.
“Guddiga Maaliyada waxa uu talo weydiistay shirkada Schulman Rogers
si loo helo hantidii bangiga dunida ee dowlada Soomaaliya, balse dowlada
waxa ay dib uga laabatay heshiiskii ay la gashay Schulman Rogers 13 May
2014 waxayna weli kula jirtaa wadahadal shirkadda.”ayaa lagu yiri
warbixinta.
Qoraalkan ayaa lagu sheegay in Dowlada Federalka ay sii wadi doonto
sidii dib loogu soo celin lahaa hantida qaranka ee dibadaha ku
xayirnaa,mana jirto illaa hadda xog sax ah oo ku saabsan tirada hantida
dowlada ee dalalka dibadah weli taal.
Sidii hantidaas lagu heli lahaa waxaa loo baahan yahay kaalmo
shisheeye iyadoo hantidaa marka ay gacanta dowlada soo gashana dib loogu
maalgelin doono dalka Soomaaliya.
Ma aha markii uu horeysey ee ay guddiga u qaabilsan qaramada midoobay
cunoqabataynta la shaaciyo warbixin ay diyaariyeen iyadoo aan si rasmi
ah Qaramada Midoobay u soo bandhigin.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 05:47 and have
, Published at