daajis.com:- Dowladda Maraykanka ayaa si kulul u cambaaraysay dilkii loo geeystey Xildhibaan Saado Cali Warsame oo maanta magaalada Muqdisho lagu dilay, iyagoo tacsi u diray qoyskii iyo eheladeedii ay ka baxday.
War-saxaafadeed ay laga soo saaray xafiiska Saraafada Maraykanka ee dalka Kenya ayaa lagu yiri: “Dilkani wuxuu tusayaa dhibaatada ay Al-Shabaab ku hayso Ummadda Soomaaliyeed oo dhan, iyo xurmo darada ay u haayaan nabadda, caddaalada iyo naxariista ay dhamaan Soomaalidu meel walba ay joogaan ay xusayaan bisha barakaysan ee Ramadaan”.
“Saado waxay ahayd fanaanad caan ah iyo weliba Xildhibaan ka tirsanaa Baarlamaanka Soomaaliya, sidoo kale Saado waxay tusaale fiican u ahayd hidaha iyo dhaqanka Soomaaliyeed. Dilkani waa mid aad u saamaynaya dhamaan Soomaalida ku nool wadanka gudihiisa iyo dibadaba.” Ayaa lagu xusay War-saxaafadeedka
Dowladda Maraykanku waxay marwalba garab taagantahay dadka Soomaaliyeed, Ciidamada qalabka sida ee Soomaaliya, iyo Hawlgalka Ciidamada Midowga Afrika ee Soomaaliya (AMISOM). Waxaana si dhow ula shaqayn doonaa hogaamiyeyaasha siyaasada iyo amniga Soomaaliyeed si loo sii wado la dagaalanka Al-Shabaab.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 23:09 and have
