daajis.com:-Wararka naga soo gaaraya magaalada Ceelbuur ee
gobalka Galgaduud ayaa sheegaya in halkaas laga waayay hal qof oo
shacab ah, sidda ay lee yihiin saraakiisha ciidamada dowladda.
Cabdi Xasan waa sarkaal ka tirsan dowladda
Soomaaliya oo ku sugan Ceelbuur wuxuu warbaahinta Muqdisho uu u sheegay
in dadkii ku sugnaa Ceelbuur ay ka qaxeen magaalada oo u carareen
deeganno ku yaalla gobalka iyo qaar kale oo magaalada Muqdisho
maciinsaday.
Wuxuu sheegay in dadkii ku noolaa Ceelbuur ay noqdeen kuwa raaca Al-Shabaab iyo kuwa magaalada Muqdisho u qaxay.
“Ceelbuur Qaran iyo Qabiil kuma heyno oo
dadkii ku noolaa waxay noqdeen kuwa ku biira cadowga Shabaab oo alwaba
reer Ceelbuur Shabaab ayey ahaayeen” ayuu yiri Cabdi Xasan.
Sarkaalkan ayaa intaas hadalkiisa ku sii
daray in afar bil ay ku sugan yihiin tan iyo xilligaasna aaney arkin qof
shacab ah oo magaalada ku sugan.
Degmada Ceelbuur ayaa muddo lix sanno waxaa
gacanta ku hayay Al-Shabaab oo waxaaba ay u ahayd saldhig muhiim ah
balse horaantii sannadkan ayaa laga saaray, wixii xilligaas ka dambeeyay
magaalada waxay ahayd mid go’doonsan.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 03:50 and have
