daajis.com:-Munaasabad ay ka qeyb-galleen marti-sharaf kala duwan oo uu ka mid
ahaa Ugaas C/raxmaan Ugaas Khaliif, ayaa si rasmi ah maanta xariga looga
jaray furintaanka masjidka bardaha magaalada Beledweyne oo mudo ka
badan hal sano dhismihiisa socday.
Munasaabada waxaa khudbado kala duwan oo looga hadllay taariikhda
masjidka iyo marxaladihii kala duwanaa ee uu soo maray ka jeediyay qaar
ka mid ah guddigii isku –taagay siddii loo dhisi lahaa dhismaha cusub
ee masjidka.
C/llaahi Xaaji Dalabey oo ka mid ah guddiga dhismaha masjidka ayaa
sheegay in markii ugu horeysay masjidka bardaha dhismihiisa tariikhada
inta la xasuusto la bilaabay sanadkii 1912-kii, isaga oo sheegay in
dhismo rasmi ah oo dhagax ka sameysan loo badalay sanadkii 1935-tii,
waxaana uu dhismahaa soo gaaray 2013-kii.
Dhismaha cusub ee maanta xariga laga jaray ayuu sheegay in la
bilaabay 20-5-2013-kii, kaasoo ugu danbeyntii la soo
gabagabeeyay maanta oo ay taariikhdu ku beegan tahay 02, July, sanadka
2014-ka.
Masjidka ayaa ka kooban dhisme labo dabaq ah oo qeyb ka mid ah loogu
talagalay in ay u tukadaan haweenka, barkad weyn oo biyo, lix dukaan oo
ganacsi ah, qeyb loogu talagalay weysada oo markiiba ay fariisan karaa
in badan 30 ruux , 16 musqulood ama [Suuli] oo hab casri ah u dhisan,
iyo darbi weyn oo masjidka laga xajiyay wabiga shabeelle si looga
hortago fatahaada wabiga.
Dhaqaallaha ku baxay masjidka ayaa lagu sheegay $ 413,950 [ Afar
boqol toban iyo saddex Kun oo doolar dhibic sagaal boqol iyo koton
doolar] waxaana ku harsan masjidka oo lagu leeyahay lacag dhan $7.825
doolar [Todobo Kun Sideed Boqol Labaatan iyo shan doolar] iyaga oo ka
dalbaday dadka muxusiniinta ah in ay ka bixiyaan masjidka lacagtaa lagu
leeyahay.
Ugaas C/raxmaan Ugaas Khaliif oo ka hadllay munaasabada ayaa u
mahad celiyay guddigii u istaagay dhismaha masjidka, iyo dhamaad cid
kasta oo dhaqaalle, cilmi, iyo xoog intaba ku bixisay in ugu danbeyntii
lagu guuleysto dhismaha masjidka.
Munaasabadda ayaa shahaado lagu guddoonsiiyay shaqsiyaad iyo hay’addo
warbaahineed oo la sheegay in ay gacan ka geysteen dhismaha masjidka,
waxaana ka mid ahaa hay’addaha warbaahineed ee shahaada la guddoonsiiyay
shabakada Hiiraan Online oo ay guddiga ku amaaneen doorkii ay ka
qaadatay soo bandhigida hadba heerka uu marayo masjidka mudadii uu
dhimihiisa socday.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 03:54 and have
