daajis.com:-Waxaa Magaalada Muqdisho ee Caasimada dalka lagu dhex arkay
Hoggaamiyihii hore ee Xisbul Islaam Xassan Dahir Aweys oo Magaalada ku
dhex wata Gaadiid iyo Ciidamo aad u gaashaman kana tirsan Hay’adda
Sirdoonka iyo Nabadsugida Qaranka Somalia.
Xassan Dahir oo xubin ka ahaa Maleeshiyaadka Al-Shabaab kuna jiro
Gacanta Dowlada Federaalka ayaa waxaa iminka lagu dhex arkaa Magaalada
Muqdisho isagoo ka adeeganayo goobaha ganacsiga, waxaana si aad ah
Ammaankiisa u suga Ciidamada Nabad ilaalinta, kuwaasi oo ka baqaayo inay
weerar kala kulmaan al-Shabaab.
Sida la og yahay Xasan Daahir, ayaa waxaa xabsi guri ku haya dowladda
Somalia, hase yeeshee lama yaqaan sababta loogu ogolaaday inuu dibedda
uga baxo gurigiisa.
Illo wareedyo ka tirsan Dowlada Federaalka gaar ahaan Villa Somalia,
ayaa inoo xaqiijiyay in xiliyada qaar Wadaadka baxsadka ah loo soo saaro
magaalada, kadibna dib loogu celiyo guri si gaar ah loogu ilaaliyo oo
ku yaalla agagaarka Villa Somalia.
Xasan Daahir oo la il daran xanuuno ay kamid tahay Sokor, ayaa waxaa
il doogsi loogu soo saara Magaalada, wallow uusan ku raagin dibna loogu
celiyo Hooyga uu Villa Somalia ka degan yahay.
Dhanka kale, go’aanka Wadaadka Banaanka loogu soo saarayo ayaa waxaa
baxshay Madaxweynaha Somalia Xasan Sheekh, taasi oo uu heshiis kula
galay Beesha Habar-Gidir, waxa uuna u muuqda Xasan mid si dadban
xoriyadiisa dib loogu soo celshay.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 23:26 and have
