daajis.com:-Ciidamada dowlada Soomaaliya oo
ka koobnaa Nabad Sugid , boolis iyo ciidamada AMISOM ayaa waxay
baaritaano ka sameeyeen xafado kamid ah degmada Hodon ee gobolka
Banaadir.
Howlgalka Ciidamada
isbeheysanaya ay sidawadajirka ah u sameynayeen ayaa u muuqday in si
gaar ah loogu beegsanayaya garashyada baaburta oo Dowladdu ay u aragto
inay tahay halka gawaarida qaraxyada looga xiro.
intii uu howlgalka socday waxaa
gacanta lagu dhigay Labo gaari oo Carib ah oo laga qabtay Garaash ku
yaala isgoyska Al-Barako ee Degmada Hodan iyadoo Suxufiyiinta la tusay
waxyaabo qarxa oo mid kamid ah saarnaa.
Saraakiisha Howlgalka
hogaaminyay ayaa si hoose noogu sheegay in Qaraxa la qabtay lala
damacsana Garoonka Diyaaradah Magaalada Muqdisho.
Meelaha sida gaarka ah Baaritaanada looga fuliyay ayaa waxaa kamid ah Degmooyinka Wadajir iyo Hodan.
Dhanka kale wararka kale ayaa
sheegaya in gaari waxyabaha qarxa ay ku jireen lagu qabtay agagaarka
garoonka diyaaradaha ee magaalada Muqdisho kaasi oo loo malaynayo inuu
watay mid kamid ah shaqaalaha garoonka diyaradaha ee Muqdisho.
Sarkaal ka tirsan Nabadsugida
Soomaaliya ayaa Warbaahinta Daajis u sheegay inay al-Shabaab wado qorshe ay ku
dooneyso inay qaraxyo waa weyn ka fuliso Airport-ka Muqdisho iyadoo
adeegsaneysa qaar kamid ah Shaqaalaha Airport-kaasi ka howl-gala isla
markaana Baabuurtaan ay qabteen lala damacsanaa howl-galkaasi balse ay
jiraan 3-baabuur oo Qaraxyo lagu xiray kuwaasoo magaalada ku jira oo ay
baadi goobayaaan.
Maanta waa 17-ka Ramadaan xiligasi oo Alshabaab ay u asteeyaan inay qaraxyo iyo dilal ka geysanayaan magaalada Muqdisho
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:46 and have
