daajis.com:-Gudoomiyaha Maxkamada Ciidamada qalabka sida G/sare C/raxmaan
Maxamed Tuur Yare ayaa sheegay in sharci adag ka soo saareen qofkii ka
tirsan Al-Shabaab oo ay ku cadaata in dil toogasho ku xukuman yahay.
C/raxmaan Tuur Yare oo wareysi siiyay laanta afka Soomaaliga ee VOA
ayaa sheegay in markii ay dib u xeeriyeen qaanuunka dalka u yaala, lana
tashteen garyaqaano, wixii hada ka dambeeya ay dil toogasho tahay qofkii
Shabaab ka tirsan.
“Markii aan dib u xeerinay sharciga noo degsan, sharciyaqaano la
tashanay, qofkii Shabaabnimadiisa ku cadaato waa dil toogasho, ma nagu
daahayo, waxaa dhici jirtay in labo sano lagu xukumo taas waa dhiira
gelin, hadhow markii la sii daayo ayuu dib ugu laabanayaa”ayuu yiri
Gudoomiyaha Maxkamada sare ee Ciidamada qalabka sida.
Waxaa uu sheegay inay sharci daro tahay ka mid ahaanshaha Urur
Argagixiso, isla markaana sharciga ay la tiigsanayaan cidii lagu helo
ama ka tirsan ay dil toogasho tahay, isla markaana ay tahay wax caalamka
ka jirta sida uu yiri.
“In la xanuujiyo oo sharciga lala tiigsado waaye, dalka dagaal ayuu
ku jiraa, Shabaabka qaanuun loo hayaa, waa qof dad dili rabay, adoo
qofkii dili laheyd u socda oo aadan dilin waxay la mid tahay inaa
dishay”ayuu yiri C/raxmaan Tuur Yare.
Gudoomiyaha Maxkamada sare ee Ciidamada qalabka sida ayaa fariin u
diray dadka ka midka ahaa Shabaab ee isaga baxay inay isa soo diiwaan
geliyaan, si waxbarasho loogu diro.
“Lagaa yeeli maayo adoo shabaab laguugu ogaa, maanta waa
ganacsanayaa, waa inaad isa soo diiwaan gelisaa, markaa isa soo diiwaan
geliso, wixii lagu shubay ayaa laga dajinayaa, waxbarasho laguu dirayaa,
Madaxweynaha wuxuu ku baaqay in qofkii soo gala inuu cafis yahay”ayuu
sii raaciyay hadalkiisa.
Maxkamada ciidamada qalabka sida ayaa maanta labo nin oo lagu
eedeeyay inay dileen Gabar ardayad aheyd oo ka qalin jebisay Jaamacad
dil toogasho ah ku fulisay.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 22:37 and have
, Published at