daajis.com:-Dibadbax lagu taageerayay isbeddelka dhinaca ammaanka ee ka jira
caasimadda Muqdisho ayaa maanta lagu qabtay fagaaraha taallada Dal-jirka
Daahsoon ee Muqdisho.
Dibadbaxa oo ay soo qabanqaabiyeen ururrada bulshada ayaa waxaa ka
qeyb-galay boqollaal dadweyne ah, fannaaniin, mas’uuliyiin ka tirsan
wasaaradda amniga qaranka iyo maamulka gobolka Banaadir.
Dibadbaxayaasha oo sitay boorar ay ku qornaayeen “Waqtigii Shabaab
wuu dhamaaday – Annagaa naqaan waxa noo fiican, mana doonayno fikradaha
xag-jirnimada ah” iyo erayo kale.
Xog-hayaha ururka haweenka qaranka Soomaaliya, Canab Maxamed Cosoble
oo ka hadashay dibadbaxa ayaa wax lagu farxo ku tilmaamtay isbeddelka
dhinaca ammaanka ee laga dareemayo caasimadda.
Canab ayaa sheegtay inay haweenka diyaar u yihiin sidii ay uga
qeyb-qaadan lahaayeen horumarka iyo nabadgelyada, iyadoo bogaadisay
howlgallada lagu xaqiijinayo amniga.
Afhayeenka Culimaa’udiinka Ahlusuna Waljamaaca Sheekh Cabdiqaadir
Maxamed Soomow oo ka qeyb-galay banaan baxa ayaa ka codsaday shacabka
iyo dowladda in amniga ay ka wada shaqeeyaan, lana shaqeeyaan laamaha
amniga, si horumar la mid ah kan ay maanta dareemeen loo gaaro wasaarada
Amniga ugu fududaato hawsha loo igmaday.
Guddoomiyaha Degmada Boondheere Qaasim Cabdullaahi ayaa banaan baxa
ku soo gunaanuday mahadcelin uu u jeediyay shacabka ku dhiiraday in ay
muujiyaan dareenkooda amni, isagoo ku baaqay in shacabka ay ka wada
shaqeeyaan sugidda nabad gelyada.
Isku soo baxa taageero waxaa uu ku soo aadaya xilli hay’adaha
ammaanka dalka ay ka codsaden shacabka inay la shaqeeyan,si loo xoojiyo
ammaanka dalka gaar ahaana Muqdisho.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 00:37 and have
, Published at