daajis.com:-Deegaanka Iskushuban ee gobolka Bari ayaa maanta lagu toogtay laba
askari kuwaas oo ka kala tirsanaa Ciidanka badda iyo kuwa daraawiishta
Dawladda Puntland.
Taliyaha cusub ee qeybta gobolka Bari Col. Cabdixakiim Yuusuf oo la
hadlay warbaahinta gudaha ayaa sheegay in labada askari ay toogteen
kooxo hubeysan xili ay fadhiyeen goob meherd ah.
Col. Cabdixakiim Yuusuf ayaa hadalkiisa intaas ku daray in labada
askari ee dhintay ay magaaladda Iskushuban geeyeen Odayaal dhaqeed u
socday xalinta dagaal beeleed abaabulan oo kasoo cusboonaaday deegaanka.
……..””’ Askarta la dilay mid wuxuu ka tirsanaa ciidamada PIF-ta ee
tababarrada u qaabilsan Puntland, kan kalena wuxuu ka tirsanaa ciidamada
daraawiishta, waxaana la dilay iyagoo dabri iska fadhiya….””ayuu yiri.
Taliyaha oo qudhiisa ku sugan degmada Iskushuban ee gobolka Bari ayaa
xusay in dilka inta uusan dhicin ay deegaanka ka saareen kooxihii is
hayey si dagaal kale uusan u dhicin balse arrintan ay dhacday.
”Markii falku dhacay waxaan magaalada ka saarnay kooxihii
hubeysnaa si aanu fal kale u dhicin, xaaladdu waa deggen tahay, waxaana
sugaynaa tallaabada la qaadi doono madaxda Puntland iyo odayaasha
dhaqanka.”’ayuu yiri.
Sidoo kale,wuxuu sheegay Taliyuhu iney hayaan kiiska dhacay xogtiisa
balse aysan gacanta ku hayn kooxdii hubeysneyd ee dilka ka danbeysay
isla markaana ay joogaan hareeraha magaaladda Iskushuban ee gobolka
Bari.
Weerarka lagu khaarijiyey labada askari ayaa dhaawac loogu geystay
nin dhalinyaro ah oo la socday Odayaasha dhaqanka,waxaana dhaawaciisa
loo qaaday sida uu Taliyuhuba sheegay deegaanka Xiriiro halkaas oo lagu
daaweynayo.
Hoggaanka sare ee maamulka Puntland kama uusan hadlin dilka askartan
iyo Colaada ka taagan deegaanka Iskushuban,waxaana hadda socota waanwaan
loogu kala dabqaadayo beelaha dirirtu dhextaalo.
Si kastaba Colaada ka taagan deegaanka ayaa timid ka dib markii
Todobaad ka hor uu iska hor-imaad dhexmaray kooxo deegaanka dhuxul ka
shideysay iyo dadka deegaanka oo diidanaa in halkaas laga shido
habayaraatee wax dhuxul ah.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 00:41 and have
