Qaraxa ayaa la sheegay in uu ahaa mid lagu xiray gaari uu lahaa Sargaal sare oo katirsan Hay’ada Nabad Sugida Qaranka oo lagu Magacaabo Xerow , Gaariga ayaana lagu farsameenayay gudaha garaashkaasi iyadoona la qorsheenayay in maanta laga saaro sida aan Wararka ku helnay.

Goob jooge kusugnaa Garaashka uu qaraxu ka dhacay ayaa noo sheegay in garasahka uu intiisa badan ku gubtay qaraxaasi ayna halkaasi ku bas beeleen gaadiid badan oo qarakood iib u yaalay garasahka iyo kuwa lagu farsameenayay.

Ma jiro wax qasaaro ah oo ka dhashay Qaraxa iyo dabka ka dhacay Gudaha Garaashka kuyaala Agagaarka Baar Ubax, Ciidamo katirsan Hay’ada Nabad Sugida oo goobta soo gaaray ayaana halkaasi ka xir xiray maamulaha garaashka iyo dad kale oo kusugna garaashkaasi xiliga uu qaraxu dhacayay.

Inta badan Qaraxyada Ismiidaaminta ah iyo kuwa gaadiidla lagu xiro ayaa la tilmaamaa in lagu soo diyaariyo gudaha garaashyo kuyaala Magaalada Muqdisho , waxaana dhoor mar qaraxyo ay ka dhaceen garasahyo qaraxyo lagu diyaarinayay.