daajis.com:-Xog Hoose oo ayaa heshay shabakada daajis.com ayaa sheegaya in Maamulka
Puntland uu ku qancay tallooyin iyo tusaallooyin ay Xildhibaanadii ka
tegay Muqdisho ee kasoo jeeday Puntland, hor dhigeen Cabdiweli Gaas
Madaxweynaha Puntland iyo xukuumaddiisa oo sheegay inay xiriirka u
jareen Dowladda Dhexe Somalia.
Warku wuxuu sheegayaa in Xildhibaanadii ka tegay Muqdisho in ay
Madaxweynaha Puntland u sheegeen in uu ku deg degay go´aanka uu xiriirka
ugu jaray Dowladda Federaalka, waxay sidoo kale u sheegeen in ay
habooneyd in inta aan lagu dhawaaqin go´aankaasi lasoo wargeliyo
xildhibaanada.
Cabdiweli
Gaas iyo xubnaha kale ee xukuumaddiisa ayaa u sheegay Xildhibaanada in
ay shaki badan ka qaadeen heshiiskii Villa Somalia ee maamul u sameynta
gobolada dhexe, isla markaana ay moodayeen in Galmudug la hoos geynayo
guud ahaan gobolka Mudug.
Xildhibaanada waxay u sheegeen Gaas iyo xubnahiisa in sida ay wax u
maleeyeen si ka duwan ay tahay arinta, isla markaana gobolka Mudug uu
noqon doono sida hadda u kala qeybsan yahay tusaale ahaan Koonfurta
Mudug ilaa Galgaduud sidaasina lagu qanciyay.
Waxaa lagu heshiiyay in Puntland arrintan ay cudur daar ka bixin
doonto, isla markaana shir uu ka dhici doono Garoowe, kaasoo lagu
casuumay wafdi uu hoggaaminayo Ra´iisul Wasaaraha Somalia, kadibna laga
hadli doono arrimahaasi iyo sababihii shakiga keenay.
Waxay Puntland iyo Xildhibaanadii ka tegay Muqdisho iyo wafdiga
Ra´iisul Wasaaraha ay soo saari doonaan go´aan cad isla markaana
Puntland ay ka cudur daaran doonto go´aankii deg dega ahaa ee ay
qaadatay si looga raali geliyo bulshada Soomaaliyeed.
Lama oga xiliga uu Ra´iisul Wasaaraha ku beegan yahay Garoowe, hase
ahaatee wey jirtaa qorshaha safarkaasi iyo shir weynahaasi ka dhici
doona Garoowe.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 17:31 and have
, Published at