daajis.com:-Ciidamada Dowladda Federaalka iyo kuwa AMISOM oo iskaashanaya ayaa goordhow la wareegay degmada Buul-mareer ee gobolka Shabeellaha Hoose oo qiyaas dhan 80-km u jirta magaalada Baraawe oo xarun u ah Shabaab.
Abaanduulaha ciidamada xoogga dalka Jen. C/risaaq Khaliif Cilmi ayaa sheegay in iska horimaad aan aad u badneyn kadib u suuragashay ciidamada xoogga dalka iyo kuwa AMISOM in ay gacantooda soo gasho Buul-mareer.
Sidoo kale barakac baahsan ayaa laga soo sheegayaa inuu ka bilowday degmada istaraatiijiga ah ee Baraawe, halkaasi oo ciidamada Dowladda iyo kuwa AMISOM ay ku wajahan yihiin.
Dad u badan Haween, Caruur iyo Waayeel ayaa isaga baxay magaalooyinka Baraawe iyo Buulo-mareer iyagoo ka cabsi qaba in dhibaato kasoo gaarto dagaalada isaga horimaanayaan dhinacyada isku haaya.
Guddoomiyaha gobolka Sh/Hoose C/qaadir Siidii ayaa sheegay in ciidamada Dowladda iyo kuwa AMISOM ay bilaabeen saakay howlgalka loogu magac daray Badweynta Hindiya, kaasoo ujeedadoodiisa tahay in Al-Shabaab looga saaro guud ahaan gobolada dalka.
Dhinaca kale Al-Shabaab ayaa dhaqdhaqaaq ciidan ka wato Baraawe, waxaana ku qulqulaya gurmadyo xoogan.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 19:05 and have
, Published at