Wararku waxa ay soo sheegayaan in Qaraxyada ay ahaayeen dhowr xabo oo loo adeegsaday miinooyinka dhulka lagu aaso waxaana lala eegtay Ciidamada Maamulka KMG ah Jubba ee Magaaladaasi Kismaayo.

Qaraxa ayaa waxaa laga maqlaayay meelo kala duwan, waxaana la soo sheegayaa in Qaraxa kadib la maqlaayay Rasaas, iyadoona iminka ay goobta ku sugan yihiin Saraakiil iyo Ciidamo ka tirsan Maamulka.

Weli lama Oga khasaaraha ka dhashay Qaraxa, balse warar hoose aan halkaasi ka heleyno ayaa sheegaya in gabi ahaan gawaarida Qaraxa lala eegtay ay burbureen, iyadoona ay waxyeelo dhimasho iyo dhaawacba ah kasoo gaartay Ciidamo badan oo la kala socday gaadiidka Qaraxyada lala eegtay.

Qaraxyada ayaa waxaa loo aaneynaayay Haraadiga Alshabaabka ku dhex jiro Shacabka Magaalada Kismaayo ee Xarunta Gobolka Jubbada Hoose, waxa ayna Ciidamadu ay iminka halkaasi kawadaan Howlgalo adag.