daajis.com:-Xildhibaannad Fowziyo Yuusuf Xaaji Aadan oo horrey u soo noqotay
ra’iisal wasaare ku-xigeen iyo wasiirka arrimaha dibedda Soomaaliya ayaa
sheegtay in dowladda looga baahan yahay in ay wadahadal la furto kooxda
Al-Shabaab oo dagaal ba’an kula jirta.
Iyadoo ka qeybgaleysa barnaamijka Waxay Ila-tahay ee BBC-da ka baxa
ayey sheegtay in dowladda looga baahan yahay in ay wadahadal la furto
Al-Shabaab gaar ahaan kuwa doonaya in uu dalka xasillo, maadama ay
yihiin Soomaali.
Waxay sheegtay Soomaalida in ay isku baahan yihiin dhammaan marka cid
kasta loo baahan yahay in ay ka qeyb qaadato dhismaha qaranka burburay.
“Al-Shabaab waa dad Soomaali ah, kuwa raba in wadahadal lala galo waa
in ay dowladda soo dhaweyso” ayey tiri wasiirkii hore ee arrimaha
dibedda Soomaaliya.
Dhinaca kale, marwo Fowziyo ayaa ka hadashay qareeno ay qabsatay
kaddib markii kooxda cunaqabateynta hubka ee QM UN Monitoring ay soo
saareyn warbixin hordhac ah oo ay ka muuqato iyada iyo qaar ka mid
madaxda dowladda in ay lunsadeen hanti qaran.
Waxay sheegtay in warbixintaas ay been abuur tahay isla markaana lagu
doonayo in lagu dhaawaco sharrafteyda iyo tan qaranka, waxaana ay
xustay in ay qareeno qabsato oo dacwo ku soo roga kooxda UN Monitoring
gaar ahaan kuwa Nairobi fadhiya.
Fowziyo Xaaji ayaa ku celceliyay in golaha ammaanka QM uusan wada
xumayn iyadoona tiri waxay nooqaadeyn cirkaas balse dhallinyaro xun-xun
ayaa ku jirta oo wax ka qora Kenya.
Waxay kaloo sheegtay in ay aad uga xuntahay warbixinta la soo saaray
iyadoona tiri “Anniga wasiir khaariji ayaan ahay, oo lacagta dowladda la
soo siiyo waxaa saxiixa, ra’iisal wasaaraha, bangiga dhexe iyo
hanti-dhowraha guud ee qaranka”
Ugu dambeyn waxay hoosta ka xariiqday in wax yaabaha loo qaraay
warbixinta ay tahay howsha ay qabatay iyo sidda ay horrumarka u gaartay.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 00:16 and have
, Published at