daajis.com:- Madaxweynaha Turkey-ga, Recep Tayyib Erdogan, ayaa ka digay in magaalada Kobane ee dalka Suuriya ee ku taalla xudduuda Turkiga ay qarka u saaran tahay inay gacanta u gasho dagaalyahanada Dowladda Islaamiga, magaaladaasi oo todobaadyo go’doonsanayd.
Hasayeeshee madaxweyne Erdogan, ayaa sheegay in duqeymaha cirka ah oo kaliya aanan lagu jabin karin kooxda IS.
Isbahaysiga uu horkacayo Mareykanka, ayaa ku qaaday ugu yaraan shan duqeyn oo dhanka cirka ah goobo u dhaw dhaw magaalada oo ay gacanta ku hayaan dagaalyahanada Dowladda Islaamiga ah, weerraradaasi oo waxyeelo gaarsiiyay ama burburiyay dhowr baabuur oo kuwa dagaalka ah.
Dhanka kale dibadbaxayaal Kurdiyiin ah ayaa dalbanayay tallaaba xooggan oo caalami ah oo lagu badbaadinayo magaalada Kobane.
Waddanka Turkiga, dibadbaxayaal ayaa xalay waxa ay isku dhaceen booliska dhowr magaalo oo dalkaasi ka tirsan, dadkaasina waxa ay dalbanayeen in dowladda Turkiga ay gacan siiso xooggaga Kurdiyiinta ah ee la dagaalamayo kooxda IS.
Kooxo kale oo Kurdiyiin ah oo dibadbaxayay ayaa xoog ku galay Baarlamanka Yurub ee magaalada Brussels, iyagoo dalbanaya tallaabo xooggan oo caalami ah.
Sidoo kale waxa ay dibadbaxyo ka jiraan garoonka ugu weyn Britain, ee Heathrow waxana aad looga cabsi qabaa in dibadbaxaasi uu isku badalo mid Rabshado wata oo khasaaro geysa iyadoo amaanka garoonka aad loo adkeeyay oo meel walba koox koox loo taagay askarta iyo sirdoonada dharka cad .
kooxda IS ayaa in mudo ah waxa saarnaa culees dhan ka caalam ka ah maadama weerero dhowr ah oo dhanka cirka ah lagu qaaday tan iyo intii uu Mareykanka dib ugu noqday deegamadasi .
Khabiir ka faaleeya dagaalada banaan ka oo u dhashay dalka mareeykanka ayaa isagu sheegay in kooxdaani aan laga guuleysan karin hadii cirka uun laga duqeeyo oo aan laysku dayin in dhulka si wanaagsan loogu soo dego balse qorshaha mareyka ayaa 98% waxa uu yahay mid ku saleesan Duqeenta cirka .
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 12:00 and have
