daajis.com:- Dowlada Kenya ayaa sheegtay in maalintii shalay in ciidamo ka tirsan Al-Shabaab ay ku dileen duqeyn ay ka geysteen dalka Soomaaliya, kadib dilkii Al-Shabaab ay u geysteen 28 muwaadin oo Kenya ah.
Ma jirto cid kale oo xaqiijin karta sheegashada dowlada Kenya ee ku aadan duqeyn ay la eegteen ciidmada Al-Shabaab xili ay ku sugnaayeen meelo ku dhow magaalada Mandheera, halkaasi oo Alshabaab dad badan ay ku dileen.
Kenya ayaa sheegatay inay dileen ku dhawaad 100 dagaalyahan oo ka tirsan Alshabaab, laakiin ma aysan bixin faahfaahin dhameystiran oo ku aadan halka weerarka ay ka geysteen iyo qaabka uu u dhacay.
“anagoo daba joogna weerarkii Mandheera, ciidamadeena amaanka waxay sameeyeen jawaabta weerarkaasi, waxayna dileen inka badan 100 dagaalyahan sidoo kale waxay burburiteen gaadiid ay la socdeen oo hubka ay ku qaadanayeen”sidaasi waxaa yiri madaxweyne ku xigeenka Kenya William Ruto.
Dhanka kale afhayeenka Al-shabaab ayaa sheegay in Al-sShabaab wax weerar aysan la kulmin kadib howgalkii ay ka fuliyeen meel ku dhow degmada Mandheera ee dalka Kenya.
Kenya ayaa weeraro kala duwan kala kulantay Al-Shabaab waxii ka dambeyay markii ciidamadeeda ay soo galeen dalka Soomaaliya dhamaadkii sanadkii 2011, iyadoo xiligaasi waxii ka dambeeyay lagu daray ciidamada AMISOM.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 14:29 and have
