daajis.com:- Madaxweynaha maamulka Hirshabeelle ayaa ku fashilmay qorshe uu doonayay inuu xubnaha aqalka sare ee maamulkaasi uga mid noqonayo ku soo daro afadiisa.
Cali C/llaahi Cosoble ayaa liiska musharaxiinta Aqalka Sare ee maamulka Hirshabeelle wuxuu ku soo daray xaaskiisa Maryan Axmed Harun oo kasoo jeeda beesha Gaaljecel, taasoo keentay gadood ay sameysay beesha iyo xildhibaanadeeda maamulka Hirshabeelle oo ku hanjabay inay qaadici doonaan doorashada.
Arrintan labadii maalmood ee la soo dhaafay murankeedu taagnaa ayaa markii dambe madaxweynaha Hirshabeelle ay qasab ku noqotay inuu liiska musharixiinta ka saaro xaaskiisa.
Arrintan oo fadeexad ku keeni lahayd madaxweynaha cusub ee maamulka Hirshabeelle ayaa waxaa dhex galay waxgarad iyo siyaasiyiin ku qanciyay inuu la noqdo magacaabidda Maryan Axmed Haarun.
Wararka laga helayo magaalada Jowhar ayaa sheegaya in xal laga gaaray is mari waa keenay inay dib u dhacdo doorashada xubnaha Aqalka sare iyadoo guddoomiyaha Baarlamaanka Hirshabeelle Cismaan Barre Maxamed uu ka qeyb qaatay xalinta arrintan.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 00:21 and have
