Xavi ayaa sheegaya in koobka Copa del Rey uu ahaa koobka ugu muhiimad yar ee diirada u saarnaa Barcelona ka dib markii semi-finalka ay ku reebtay xalay Real Madrid.
Kooxda Catalans ayaa lagu garaacay 3-1 kulankii lugta labaad ee ka dhacay garoonkooda, iyadoo lugtii hore ay labada kooxood ku kala baxeen barbaro 1-1 ah, taasoo la micno ah in Barcelona ay ka baxday kooxda Copa del Rey.
Si kastaba, inkastoo uu qirtay in guuldarada ay aheyd mid mar kale laga xumaado, Xavi ayaa indhaha ku haya koobab kale.
“Tani waa dib u dhac kale ka dib guuldaradii AC Milan, laakiin waa inaan hore uga soconaa. Haa, waxaan ka harnay koob, laakiin waa koobkii inoogu muhiimad yaraa.” ayuu Xavi u sheegay suxufiyiinta.
“Waxaan weli ku jirnaa tartanka labo koob oo muhim ah. Waa inaan wadada guusha ku soo laabanaa kulanka Madrid ee isbuuc dhamaadka, islamarkaana aan madaxeena kor u qaadnaa.”
Barca ayaa ku qaabili doonta Madrid kulan horyaalka ah garoonka Satiago Bernabeu sabtida.
_____________________________
Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by 01:31 and have
, Published at