Sergio Aguero ayaa diyaar u ah inuu dib u soo kiciyo xilli
ciyaareedka Manchester City ka dib markii uu sheegay inuu markii ugu
horeysay muddo bil ah taam yahay.
Gooldhaliyaha kooxda City ayaan ciyaarin tan iyo kulankii ay 2-0 kaga
badiyeen Chelsea ee horyaalka Ingariiska ee dhamaadka bishii hore ka
dib markii dhaawac jilibka uu soo gaaray.
Laakiin xiddiga reer South America ayaa dib ugu soo laabtay
tababarka ka dib markii daweyn uu ku soo qaatay dalkiisa Argentinal,
waxaana uu fursad u heystaa inuu ciyaaro kulanka ay horyaalka sabtida ku
soo dhaweynayaan Etihad Stadium kooxda Newcastle.
Iyadoo City ay 15 dhibcood ka danbeyso kooxda hogaanka heysa ee
Manchester United, waxa ay u badan tahay in Roberto Mancini uu u
nasasiin doono Aguero kulanka horyaalka si uu u ciyaarsiiyo kulanka
Manchester Derby ee 8da bisha April iyo kulanka semi-finalka FA Cup ee
ay la ciyaari doonaan midkood United ama Chelsea 6 maalmood ka dib
Manchester Derby ka dhaceysa Wembley.
Tababaraha City ayaase ku faraxsanaan doona in mar kale uu Aguero
diyaar u noqdo inuu ciyaaro isagoo isku dayaya inuu horjoogsado farqiga u
dhaxeeya iyaga iyo United inuu noqdo mid faraha ka baxa oo ceeb ku
noqda.
_____________________________Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 16:32 and have
