“Garsoorku waxa uu shaqo ku leeyahay laba ruux oo isheysata in uu kala saaro. Mana aha mid masuul ka ah cadaalad darada baahsan ee dalka dhan saameysay, Cadaalad Daradu waxa ay salka ku heysaa Dalacsiinta aan loo aaba yeelin iyo shaqooyinka loo dirayo dadka aan ehelka u aheyn, Kuwii mudnaana banaanka lagu horay,. Dhamaan derejooyinkaasina madaxda dalka ayaa bixisa”, Gudoomiyaha maxkamada sare, Ceydiid Ilka Xanaf ayaa jeediyay dhaliishaasi.

Iftiiminta uu ku sameeyay Ilka Xanaf halka Sartu ka qurunsantahay ayaa waxa ay imaaneysaa iyada oo in badan Gaarsoorka Soomaalida lagu eedeeyay in ay saldhig u yihiin Cadaalada darada dalka la degtay.

Waxaa marag madoonta ah in dalka Soomaaliya ay kajirto cadaalad darro aan maxkamadaha shaqo ku laheyn, iyada oo dalka oo dhan lagu arkayo saraakiil darajooyin aan loo dhibtoon ku laafyoonaya iyada oo sidoo kalana ay jiraan shaqooyin dadkii wax u soo bartay ay derbiyada shaqo la’aan ku sheekeeyaan kuwa aan ehel u aheynna shaqadii ay calaajinayaan.