Al-amriki oo dalka Mareykanka looga yaqaanno Cumar Xamaami dalka Soomaaliyana soo galay 2006-dii si uu shabaab uga barbar dagaalamo ayaa waayhaan waxa uu safka hore uga jiray liiska dadka argagaxisada loo aqoonsaday ee Mareykanku malaayiinta doolar uu dul dhigay iyada oo lacagaha lagu doonayo xilligaan lasheegay ay yihiin $5mn.

War-baahinta ayaa waxa ay Ogeysiiska ay ku sheegayaan in shaqsi kasta oo helaa fursada uu ku soo gacan geli karo Al-amriiki uusan iska qasaarin si uu maalin u taajiro, waxaa kale oo idaacaduhu ay baahinayaan in shaqsigaasi baadi goobkiisa intii uu socday dad badan oo Soomaali ah ay dhibaata kasoo gaartay marka si dhibata kale looga fogaado ay haboontahay in durbadiiba lasoo qabto.

Idaacadaha Muqdisho oo in badan ka baqi jiray in ay baahiyaan warar ka dhan ah Shabaab ayaa waxa ay xilligaan ku dhiiranayaan in ay daayaan ogeysiisya lagu baacsanayo xubin fir- fricoon oo Shabaab katiran iyada oo walina qatartii Shabaab aysan meesha kabixin oo falal qaraxyo iyo weerro gaadma ah ay kafulinayaan Muqdisho.