daajis.com:-Ernaud Van Dorn oo ah siyaasi caan ah kana tirsanaa xisbiga xoriyyda dalka Holland isla markaana ka mid ahaa dadka sida weyn uga qeyb qaatay filim-kii xumaa ee wax looga sheekeyay Nabigeena Maxamed CSW ayaa shaaca ka qaaday ka dib soo islaamidiisa in uu soo saarayo filim uu ku difaacayo sumacadda rasuulkeena CSW .
Wargeyska Cukaz ee ka soo baxa Sacuudiga ayaa qoraya in Ernaud Van Dorn oo booqanaya magaalooyinka barakeysan ee Maka Al-mukarah iyo Madina uu la kulmay wadaada masjidka barakeyska ee xarameynka.
Imamaamka Masjidka Xarameyn-ka Sheekh Cabdi Raxmaan Sudeys ayaa amaanay talaabada Ernaud Van Dorn isaga oo sheegay in ay tahay guul u soo hoyatay islaamka , waxa uuna Ernaud Van Dorn uu siiyay hadiyad ah kitaabka qur`aanka kariimka iyo kutubo kale oo luqada Ingiriiska ku qoran , iyadoo Ernaud Van Dorn uu cimreysanayo tan iyo markii uu shaaciyay in uu qaatay diinta islaamka .
Ernaud Van Dorn siyaasigaan dhawaan qaatay diinta islaamka ayaa sheegay in uu qorshenayo fikir ah soo saarista filim lagu soo qaadanayo akhlaaqda wanaagsan ee nabi Maxamed CSW , iyadoo Ernaud Van Dorn uu oohinta iska celin waayay markii uu booqday qabriga nabiga CSW markiisii ugu horeeysay .
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 01:30 and have
