daajis.com:-Diyaarad heshiis lagula soo galay inay qaaddo marti ka qaybgalaysay
xaflad aroos oo lammaane asal ahaan ka soo jeeda dalka Hindiya oo lacag
leh ku qabsadeen dalka Koonfur Afrika, ayaa jebisay shan sharci oo u
yaal waddankaas, kadib markii ay cago dhigatay garoon ciidammadu
leeyihiin oo diyaaradaha rakaabka ka caaggan, arrintaas oo jah-wareer ku
riday dhammaan ciidammada iyo madaxda dawladda Koonfur Afrika.
Diyaaraddan oo la yidhaa Airbus A330-200 oo ay leedahay shirkad
diyaaradaha kiraysa oo ku taal dalka Hindiya, ayaa jebisay sharciyo u
yaal magaalada Pretoria sida lagu baahiyiey wargeyska Independent
Online.
Lammaanaha xafladda guurkooda diyaaradda martida sidday u jabisay
sharciga Koonfur Afrika oo kala ah Mr. Atul iyo Rajesh iyo haweenay la
yidhaa Vega Gupta oo uu dhalay siyaasi caan ka dalka Hindiya Mr. Achla
Gupta, ayaa munaasibaddii meherkooda waxa hareeyey muran dhinaca
sharciga ah.
Aabbaha gabadha la guursaday Mr. Guptas wuxuu leeyahay wargeyska la
yidhaa New Age iyo shirkadda kombuyuutarrada soo saarta ee Sahara
Computers.
Diyaaraddan ayaa cago dhigatay garoon ciidammada Koonfur Afrika
leeyihiin, waxana loo saaray guddi ka soo baadha sababaha keenay inay
fadhiisato xarun millateri oo diyaaradaha ciidammada oo keliya loo
oggolyahay.
Mr. Jeff Radebe Wasiirka Caddaaladda ee Koonfur Afrika ayaa sheegay
in baaritaanno lagu samaynayo doorka qoyska ninka caanka ah ee la yidhaa
Gupta ka ciyaareen arrinta sharci darrada ah ee diyaaraddaasi ku
fadhiisatay madaarka ciidamada millateriga ee ku yaala duleedka magalada
pretoria,
Saraakiil u hadlay millateriga Koonfur Afrika, ayaa iyaguna sheegay
in aanay war u hayn xilliga diyaaraddaasi cago dhigatay garoonka
ciidammada iyo sida ay ku heshay oggolaansha inay halkaas soo caga
dhigato diyaaradaasi,
Wasiirka Madaxtooyada Koonfur Afrika Mr. Collin Chabane, ayaa
daboolka ka qaaday in baadhitaanno hordhac ah oo la soo saaray lagu
ogaaday in diyaaraddaasi garoonka ciidammada fadhiisatay iyadoon wax
oggolaansho iyo ogaal ah ka haysan hay,adda duulimaadyada ee dalka
koofur afrika,
Si kastaba ha ahaatee Diyaaraddan oo siday 200 qof, ayaa loo kaxeeyey
dhinaca madaarka la yidhaa Or Tambo ee magalada johannesburg halkasi oo
ay ku dajisay dhamaan rakaabkii saarna oo ahaa marti sharaf loogu tala
galay inay ka qeeyb galaan xaflada arooska ugu balarna dunida oo
maalimaha so socda lagu wada in uu ka dhaco koofur afrika,
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 19:00 and have
, Published at