daajis.com:-Ganacsatada Bosaaso ayaa bilaabay inay joojiyaan inay wax ku iibiyaan lacagta Shanta Boqol ee Shillinga Soomaaliga.
Tan iyo markii Faarax
Cali Shire oo ah Wasiirka Maaliyadda Puntland uu wareegto ka soo baxday
xafiiskiisa ku sheegay in iyada oo la tixraacayo go’aanadii goloyaasha
Puntland ee ahaa in lacagta Dollarka loo bedalay Miisaaniyadda Puntland
si tijaabo ah bilaha May – August 2013 taas oo gaareysa $3.5 Milyan oo
Dollar.
Wareegtadaasi ayaa sidoo
kale uu ku sheegay wasiirka in dakhliga dowladda ee canshuuraadka lagu
qabanaayo lacagta Maraykanka ee Dollarka, haddii ay dhacdo in qofku
waayo Dollar waxaa lagu qaban lacag Soomaali laakiin sarifku noqonaayo
$1= 24,000 Sh.So taas oo ka badan inta suuqa lagu sarifo,ayaa waxaa dad
weynaha ku sugan magaalada guud ahaan diiday isticmaalka lacagta shanta
boqol ee shilin Soomaaliga ah.
Goobaha lagu iibiyo
cuntada karsan,carwooyinka dharka iyo shaabinada, suuqa weyn ee
magaalada, baabuurta bii’elka iyo goobaha kale ayaa laga isticmaalin
shanta boqol shilin Soomaaliga maanta oo taarikhdu ku beegan tahay
4-5-2013.
Qaar kamid ah
ganacsatada suuqa magaalada ayaa waxaa saakay la dhexqaaday mikrofoonka
daajis si aan wax uga ogaano arintan ku saabsan joojinta shanta
boqol, waxa ayna daajis u sheegeen in aysan isticmaaleen shanta
boqol shilin Soomaaliga.
Waxayna ku sababeeyeen
in dowladda ay ka diiday lacagta shilin Soomaaliga oo ay ku bixin jireen
canshuurta, meel ay geeyaana aysan garaneyn.
Dowaladda Puntland ayaa wali ka hadlin arintan ,gaar ahaan wasaaradda Maaliyadda iyo tan arimaha gudaha.
Deegaanka Puntland ee
Soomaaliya ayaa ah goobta kaliya ee laga isticmaali jiray lacagta Shanta
Boqol ee Shiling Soomaaliga. Haddii ay dhaqan gasho in la joojiyo
shanta boqol ee shilin Soomaliga ah isticmaalkeeda ayaa waxa ay
noqoneysaa oraahdii horey Koonfurta Soomaaliya laga oron jiray “..Kun
Baa u Weyn kun Baana u yar…”
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 23:00 and have
, Published at