Askartan la dilay ayaa la sheegay in ay ku sugnaayeen meel qiyaastii kaga beegan magaalada Jowhar illaa 25km halkaas oo ah meel aysan cidna ka talin una dhexeysa deegaanada ay ciidamada dowlada gacanta ku hayaan. 

Lama oga in uu dagaal dhex maray ciidamada dowlada ee la dilay iyo xoogagii Alshabaab ee soo weeraray, hase yeeshee wararka ayaa sheegaya in weerar gaadmo ah lagu dilay ciidamadan.

Toddobaadyadii la soo dhaafay ayaa waxaa ka jiray deegaanada magaalada Jowhar ka xiga dhinaca galbeed dhac ay u geysanayaan gaadiidka iyo dadka halkaa ku sugan dabley ku labisan ciidamada dowlada. 

Illaa iyo hadda ma jiro wax war ah oo ka soo baxay ciidamada dowlada ee ku sugan gobolka Sh/dhexe. 

Tiradan ciidamada ah ee la dilay ayaa waxa ay yihiin kuwii ugu badnaa ee hal mar laga dilo ciidamada dowlada tan iyo markii ay la wareegeen xarunta gobolka Sh/dhexe ee Jowhar 9kii bishii December 2012.