Hadalkan ayuu sheegay kadib markii la weydiiyey su'aal ku saabsan cida uu ka tirsan yahay hadiiba uu iska fogeeyey ka mid ahaanshaha Alshabaab iyo Alqaacida.

Wareysigan intii uu socday waxa kale oo uu sheegay inuu yahay argagixiso balse aanu ahayn Alqaacida iyo Alshabaab, waxa kale oo uu sheegay in uu keymaha ku dhuumanayo si uu naftiisa uga badbaadiyo Axmed Godane oo uu ku tilmaamay nin dantiisa fiirsanayo xitaa hadii ay ka hor imaaneyso shareecada Islaamka.

Al-amriiki oo sidoo kale magaciisa dhabta ah yahay Cumar Xamaami waxa isaga iyo Muqtaar Rooboow ay ka mid yihiin dagaalyahano Alshabaab ka tirsan oo naftooda kala soo baxsaday hogaamiyaha ururkaasi Godane oo mudooyinkan waday olole uu ku beegsanayo cid walba oo aragtidiisa shaqsiga ah ka hor timaada, waxaana ka mid ahaa dadkii ka soo baxsaday oo dowladda isu soo dhiibay Xasan Daahir Aweys oo dil ku xukumanaa.