daajis.com:-Tababaraha kooxda Manchester United Sir Alex Ferguson ayaa garsoore
Dermot Gallagher ka codsaday inuu ka caawiyo inuu u gacan-galiyo
horyaalka Premier League sanadkii 1997, wargeyska Metro ayaa baahiyay.
Dermot Gallagher oo ah garsoore howlgabay ayaa sheegay in cayaar
dhex-mareysay United iyo Middlesbrough, uu Ferguson u yimid, kaddibna ka
codsaday in cayaarta oo saddex gool iyo hal mareysay dib loogu dhigo,
si aanu u seegin horyaalka oo ay Arsenal kula tartameysay.
“Roob baa aad u da’ayay, Ferguson ayaa dhinac iila baxay, wuxuu igu
yiri ‘asxaan ii samee, cayaarta dhammee’”, Gallagher ayaa sidaas u
sheegay Sportlobster TV, sida uu wargeysku sheegay.
“Waxaan weydiiyay sababta, wuxuuna igu yiri, meel kale kuma habboona
kulankan, Premier League-na waxaa qasab ku noqoneysa inay
xilli-cayaareedka muddo kale ku daraan. Fursad fiican oo aan cayaartan
ku guuleysan karno ayaan heleynaa, horyaalkana waxaan ku qaadeynaa Old
Trafford.”
Wuxuu Gallagher sheegay in Ferguson uu u yimid mar kale cayaarta oo
3-1 marayay, garoonkana uu ahaa mid biyo fariisad ah, markii aannu u
bexeynay nasiinada.
“Wuxuu igu yiri: “‘Waan ogahay in 3-1 nagula hoggaaminayo, fadlan cayaarta dhamee, waan kaashan karnaa.”
“Waxay ku guuleysteen inay 3-3 cayaarta ka dhigaan, daqiiqaddii ugu
dambeysayna Dennis Irwin ayaa xerada ganaaxa galay oo isku riday dhinaca
goosha xigta Stretford End, waxaanan kaliya bixiyay rimeeso
(Gool-kick).
Halkaan Hoose ka Daawo:-
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 21:00 and have
