Goobaha ay dadweynuhu isugu yimaadaan ayaa maanta ilaa shalay waxaa si aad ah loo hadal hayay Internet la'aan soo wajahday Malaayiin dad ah oo ku xirnaa Adeega Internetka ay bixin jirtay Shirkada Isgaarsiinta Hurmuud.

Dhalinyarada ayaana ah kuwa ugu badan ee aad u hadal haya arintan saameyn badan ku yeelatay kuwaa oo inta badan Internetka ka isticmaali jiray wada sheekeesi iyo sidoo kale in ay kala socdaan wararka gudaha iyo Dibada.

Shirkada Isgaarsiinta Hurmuud Telcom ayaa go'aansatay in ay joojiso gabi ahaan adeega Internetka ay bixin jirtay kadib markii amar kasoo baxay Xarakada Al-Shabaab oo lagu faray shirkadaha Isgaarsiinta Dalka in ay joojiyaan Internetka.

Shacabka Soomaaliyeed ayaa isweediinaya sababta Internetka loo jaray iyo dambiga uu Al-Shabaab ka galay Internetka , waxaana Maanta alaa shalay Telfoonada iska dhigay dhalinyaro badan oo inta badan ku mashquuli jiray Internetka ay ka isticmaalaan Moobeelkooda.