daajis.com:-Wacan oo wanaagsan aqriste meel kastoo dunida kaga nooshahay kuna soo dhawaaw qisada isbuuca.
Bilowga QiSada: Mudan inaad ka sheekeyso maalmahii ku soo marey ee
noloshaada hab kastooy adiga kugu soo mareenba hadii aay ahaan laheed
dhibaato,dhaliil ama dheef iyo dhaxal aan kaa gureyn labadaba.
Aqriste qisadaan oo ah mid dhabta ku qotanta waxaan ku baran doonaa
hadii Allaha awooda sare leh raali ka ahaado wanaagu in uusan dheelinin
si kasta oo dhabaato usoo gaadho ama qadarta Rabbi ugu dhacdaba.Cali”
Waxa uu qisadiisa diiwaan uga dhigey hal ku dhig macno buuxa sameynaye
kolka aad indhaha ku dhufatana aan filaayo inuu saamayn uun kugu yeelan
doono. Bal aan gudaha usii dhaadhaco iyo dulucda.
Cali waxuu maalin uusan iloobi doonin la kulmay NaSra oo aheed gabar
boogosho dalxiis ku soo gaaray mid ka mid ah gobolada dalka ayadoo kasoo
socdaashay magaalada muqdisha ee caasimada dalkeena, barashadii ugu
horeeysay oo ku dhacdey si ‘Kama’ ah loogama horaynin Cali ee waxuun baa
ku bidey maankiisa, waqtigu ma ahayn mid ku haboon hadal is haasaawe
kale maadaama halka lagu kulmey uun aheed meel la isku dhaafo dadkuna
aad ugu badnaa. Waxuuna halkaa ka bilaabey sahan iyo saadaalin.
Dadaal badan ka dib waxaa suura gashay barasho caafimaad qabta ee
dhax martay Cali Iyo NaSra taasoo loogu gogol xaarayo sidii looga anba
qaadi lahaa is xog wareysi gaarka iyo u gogol dhigida xiriir lamaane.
Rabbi wuu u fudeed yeeley Cali dhamaan baahidiisii ku aadanayd NaSra oo
way usuura gashay in aay gacantiisa soo gasho,halkaasna waxaa ka hana
qaadey jaceyl ugub ahaa iyo ayaamo aadmiga u wada gaar ah.
Sidii aad la socotoba waxaa idlaanayo maalmahii fasaxa ee iskuulka
waxaana lama huraan noqoneysa in dib loo laabto nasra waxa aay ka mid
tahay dadka laabanayo halka cali qudhiisu isu diyaarinyo
waxbarashadiisa. Balan wada hadal dheer iyo fadhiyo fara badan waa la is
qanciyey midba midka kale waxuu ka qosliyey ugu danbeytiina nasra waa
la soo dhaweeyey oo la keeney boosteejadii gawaarada cali iyo
asxaabtiisa yaa keeney.
In kastoo hakad ku yimid noloshii maalmaha hore hadane dantu kaa
adage waxaa loo wada xariiri jirey si habsami la,aan ah had iyo jeerna
waa la iska war qabaa, jaceylkii wuu sii baaxad waynaadey waxaan lama
huraan noqotay inuu midkood soo ruqaansado oo midka kale ugu yimaado
magaalada uu joogo si halkaa la iskula noolaado ugu yaraana ls isku
arko, taasina waxaa dhab ka yeeley cali oo usoo nolol badashay xamar.
Barwaaqo iyo bidhaamo quruxsan maalmo boqran iyo caashaq bil dhalad
ah ayaa ka hir galay dhaxdooda kaas oo saameyn buuxda ku wada yeeshay
dhalintii aqoonta u laheed labadooda, NaSra waxa lagu xasuusta in aay
asxaabteeda gabdhaha ah kula talin jirtay inaan bilaha fasaxa ah aadaan
gobolada dalka si aay usoo dhadhamiyaan nolosha dhabta ah iyo jaceylka
dhabta ah labadaba, waxay oran jirtay safar qayr sita bu ahaa.
Intaas Ha inooga filnaato dhankii ‘NaSiibku Wuu Ikaa Baray’ oo aan ku eegney waqtigoodii farxada lahaa.
Bal markaana aan u dhaadhacno, Qaybtii labaad oo ah ‘BalSe Iguma Kaa Simin oo ah dhankuu murugada.
Ka dib dhameys tirka warbarashada dugsiga sare Nasra iyo qoyskeeduba
waxa aay ka soo hayaameen dalka ayagoo usoo boqoolay dibada una sii
talaabay qaarada yurub halka Cali uu wali muqdisho ku dhax noolaa. Waxaa
daciifey xariirkii dhaxdooda ahaa maadaama la kala fogaadey nasra waxaa
la soo darsay nolol ka duwan tii dalkii hooyo halka calina uusan awood u
yeelan ka daba imaashada gacalisadiisa nasra, in kastoo la wada balamay
hadana baahidii ayaa tan badatay. 3sanno ka dib wax is badal ah ma
jiraan oo xaalku wali waa sidiisii, nasra waxa aay waalidkeed u sheegtey in aay dooneyso inay guursato
Cali oo aay xariir wada lahaayeen oo soomaaliya ku nool. Balse waalidkii
NaSra arinkaas wuu ka biyo diidey waxa aayna sabab uga dhigeen in
leenka nasra ka banaan oo ah qofka aay soo wadi karto loogu talay galay
abtigeed yaasiin oo la dhashay hooyadeed, si kastaba hadalkaasi waxuu
caqabad ku noqdey rajadii iyo balantii aay wada galeen cali iyo nasra,
waayo xataa hadii la is guursado ee laba meel lagu kala noolaanayo ma
dhameeys tirna nolosha.
Cali waxa uu qaatay go,aan adag aadna u dhib badan kaas oo ahaa in
aay si cafiyaan asaga iyo nasra oo qofba halka uu ku nool yahay ka
kaluumeeysto, maadaama qorshahoodu suura gal noqon waayey, waqtiguna aad
u cararaayo, ugu danbeytiina ayadoo colaad,caro iyo cuqdad jirin ayaa
sidaas la isku macsalaameeyey bye.
Sidaas ayeey ku dhacdey qisada ah ‘NaSiibku Wuu I Kaa Baray, Balse
Iguma Simin, Waxaan Soo Wada Dhawaynayaa Fakarka MaCaamiisha Sax Iyo
Qalad Midka Aay Saari Doonaan Lamanayasha Cali & NaSra.
Qalinkii waasuge intaas ayaan isbuucaan ku soo gaba gabaynayaa inta aan
dib u kulmi doonanan waa Sxb ‘WaaSuge’ oo idin wada leh dhamaantiinba
Soomaaliyeed Nabad. AsC Wr Wb
Qalinka: Ismail Abdi Aden ‘WaaSuge’
Dhaxalka: Cali
Shimali02@hotmail.Com
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 18:00 and have
