daajis.com:-Magaalada Addis Ababa ee xarunta dalka Ethiopia waxaa maanta oo
Talaado ah kulan ku yeeshay hoggaamiyaha KMG ah ee Jubba Axmed Madoobe
iyo wasiirka arrimaha dibedda Ethiopia Dr.Tedros Adhanom.
Kulanka labada nin, ayaa la sheegay in runta la isugu sheegay, gaar
ahaan dowladda Ethiopia ayaa Axmed Madoobe u sheegtay in uu wareejiyo
garoonka diyaaradaha iyo dekedda Kismaayo maadama heshiiskii dowladda
iyo maamulkiisa ay ku galeen Adddis Ababa oo ay garwadeenka ka ahayd
dowladda Ethiopia uu siddaas dhigayay.
Si kastaba, ma cadda jawaabta uu bixiyay Axmed Madoobe ee ku aadan go’aanka ka soo baxay dowladda Ethiopia.
Wasiirka warfaafinta maamulka KMG ah ee Jubba Ibraahim Baajuuni ayaa
labo cisho ka hor sheegay in maamulkooda aaney wareejin doonin gegida
diyaaradaha iyo dekedda Kismaayo, wuxuuna ku sababeeyay dowladda
Soomaaliya in ay dhinaceeda ka soo bixi weysay heshiiska ay lix bilood
kala saxiixdeen labada dhinac.
Ilo wareedyo lagu kalsoon yahay ayaa sheegay in uu Axmed Madoobe lagu
doono madaxda IGAD, Midowga Afrika iyo diplomaasiyiin reer galbeed ah
oo galaangal u leh arrimaha Soomaaliya.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 11:12 and have
