daajis.com:-Ra'iisul Wasaare Cabdiweli oo kulan xasaasi ah kula qaatay saraakiisha ciidamada qalabka sida iyo AMISOM caasimada Muqdisho.
Ra’iisul Wasaaraha Xukuumada Federaalka Soomaaliya Cabdiweli Sheekh Axmed ayaa xalay kulan xasasi ah la qaatay saraakiisha ciidanka Qalabka sida, iyo kuwa ciidanka nabad illaalinta ee AMISOM uguna hambalyeeyey guulaha ay ka gaareen howlgalada ka soconaya qeybo ka tirsan gobolada Bakool iyo Gedo, kuwaasoo kooxaha ka soo horjeeda dowlada looga saaray degaanada kala ah Xudur, Waajid, Rab-dhuure, iyo Buur-dhuubo.
Kulankan ayaa ka dhacay Xarunta Guddiga Wadajirka ee Xiriirinta Howlgalada, kulanka waxaa ka ka qeybgalay Wasiirada Gaashaandhigga iyo Amniga Qaranka, waxaana halkaasi looga dhegeystay warbixino ku aadan howlgalada ka soconaya gobolada Gedo iyo Bakool oo ay ciidanka xoogga dalka iyo kuwa AMISOM ay kaga qabsadeen kooxda Al shabaab.
Marku soo gabagabobay kulanka ayaa Ra’iisul Wasaaraha dowlada federaalka Cabdiweli Sheekh Axmed uu warbaahinta la hadlay, wuxuuna sheegay inuu ugu hambalyeynayo ciidanka xoogga dalka iyo kuwa AMISOM geesinimadii ay muujiyeen iyo sida kooxda caddowga ah ugu saaren degaano ay ka mid yihiin Xudur, Waajid, Rab-dhuure iyo Buur-dhuubo oo ka kala tirsan gobolada Bakool iyo Gedo.
“Shacabka Soomaaliyeed waxaan u sheegayaa in caddowgu sii daciifayo, ayna meesha ka baxday awoodoodii ciidan, midii dhaqaale iyo mid Niyadadeed ayna ku jiraan maalmahoodii ugu dambeeyey” ayuu yiri Ra’iisul Wasaaraha dowlada federaalka Soomaaliya.
“Sababta looga saarayo kooxahan nabadiidka degaanadan waxa weeye si looga dul qaado shacabka Soomaaliyeed caburinta joogtada ah, dilka, barakicinta iyo handadaada ay ku hayaan muwaadiniinta Soomaaliyeed” ayuu ku nuxnuxsaday Ra’iisul Wasaaraha.
Waxuu sheegay in dowlada Soomaaliyeed ay ka shaqeyneyso sidii gargaar bani’aadan-nimo loo gaarsiin lahaa degaanadaasi la xoreeyey, ayna sidoo kale u heli lahaayeen adeegyadii Aasaasiga ahaa sida waxbarashada iyo caafimaadka.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 17:07 and have
