daajis.com:-Ciidamada booliska wadanka Kenya ayaa saacadihii la soo dhaafay waxay
magaalada Mombaasa ka sameeyeen hawlgal ay kusoo qabqabteen dadka
ajaaniibta ah ee sida sharci darrada ku jooga dalkaasi.Hawlgaladan ayaa lagu soo xirxiray dad gaarayaa 100 ruux waxaana ku
jira dad Soomaali ah oo la sheegay inay ka mid yihiin qoxootiga ku nool
wadanka Kenya.
Booliska magaalada Mombaasa ayaa sheegay inay wadaan baaritaano ay ku
kala soocayaan dadkaasi la soo xirxiray kuwa heysta kaararka
qoxootinimada ee loo yaqaano Aliens iyo kuwa aan heysan ee sida sharci
darraa ku jooga dalka Kenya, waxaana dadka haatan lagu hayaa saldhiga
booliska ee ku yaalla bartamaha Mombaasa. Wargeyska the Standard ee ka soo baxa Nairobi ayaa sheegay in
saraakiisha booliska gobolka Xeebta ee Mombaasa ay sheegeen in
hawlgaladan ay qeyb ka yihiin hawlgalada ka dhanka ah kooxaha
argagixisada lagu tilmaamay, waxaana booliska Mombaasa ay sheegeen inay
hawlgaladan bilaabeen kadib markii dad ka soo cararay magaalada Nairobi
oo hawlgallo dhawaan ka socdeen ay soo galeen magaalooyinka kale ee ay
ka midka tahay Mombaasa.
Magaalada Mombaasa oo ah magaalo xeebta ku taalla ayaa ah isha ugu
weyn ee dalxiiska wadanka Kenya oo dhaqaale badan ka soo galo Kenya,
waxaase magaaladan ay dhowaanahan xarun u noqotay rabshado u dhexeeya
kooxaha kirishtanka iyo dad Muslimiin ah oo magaalada degan iyadoo
booliska wadanka Kenya ay isku dhexeen marar badan dadka Muslimka ah.
Dilal qaarkood lagu eedeyan ciidamada booliska Kenya ayaa sidoo kale
ka dhacay Mombaasa gudeheeda kuwaasoo dad rayid ah si qarsoodi ah loogu
dilay ayna ku jiraan illaa saddex wadaado Muslimiin ah oo lagu eedeeyay
inay fikir ahaan u taageeri jireen ururka Al Shabaab.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 21:04 and have
, Published at