Ayham oo 38 sano jir ah ayaa ku riday boorso gabadhiisa Haniya Kanaan ayaa ka galay dalka Spain magaalada Tarifa isagoo baabuur uu watay kursiga dambe saarnayd ay ku dhex jirtay gabadhiisa Haniya.

Hase ahaatee kanaan oo haysta fasax uu ugaga shaqeysan karo dalka Spain ayaa waxa uu wajahayaa ganaax ah in uu doonayay in uu si qarsoodi ah ku geliyo Spain gabadhiisa si ay nolol wanaagsan u hesho,balse xaakim ayaa u fasaxay in gabadhiisa ay kula noolaato dalka Spain inta uu haysto fasaxa shaqada uuna waxbarasho geyn karo gabadhiisa.

Haniya ayaa la geeyay isbitaal si loogu baaro waxayna dhakhaatiirtu sheegeen in ay nasiib leedahay inay noolaato kadib markii meel aan hawo badan lahayn muddo dheer ku dhex jirtay.

Dhakhaatiirta ayaa waxa ay sheegeen in ay halis u ahayd gabadhan in ay maskaxda ka dhaawacanto kadib markii muddo ku xirneyd boorsada, waxaana gabadhan lagu arkay calaamado ah in ay ogsijiin yari ay hayso.

Haddii ay dheeraan lahayd mudada ay ku sugnaayeen xuduuda waxaa suurtogal ahaan lahayd in ay gabadhan ay geeriyooto.

Aabaha gabadhan ayaa la xiray markii uu joogay dekeda Tariga oo ku taal koofurta Spain taasoo maraakiib ay hore iyo gadaal isaga kala gooshaan Waqooyiga Afrika. Waxana la sheegay in ninkan uu ka soo laabanayay fasax uu ku tegey dalkiisa.