daajis.com:-Maliishiyada Al-Shabaab ayaa si xun u gowracay Haweenay lagu
magacaabi jiray Fartuun Axmed Maxamuud xili ay la socdeen Labo gabdhood
ay dhashay oo aad u da’yar.
Falkan oo ka dhacay deegaan lagu magacaabo Gel-gel oo u dhow degmada
Qansax-dheere, waxaana la qabtay haweeneydan iyo labada gabdhood ee ay
dhashay xili ay kusii jeedeen magaalada Baydhabo.
Guddoomiyaha degmada Qansax Dheere Aadan Qooqane ayaa sheegay in
Haweeneydan ay Al-Shabaab gowraceen isla markaana labo caruur ah oo
gabdho ay dhashay la socdeen, kuwaasi oo hadda la geeyay degmada
Bardaale ee gobolka Bay.
Warar la isla dhex marayo ayaa sheegaya in Haweeneydan ay ka
tirsaneyd Ciidamada Dowladda, inkastoo uu dafiray Guddoomiyaha
Qanaxsadheere Aadan Qooqane.
Labada Gabdhood ee haweeneydaasi ay dhashay ayaa argagax iyo shook ka
qaadeen gowraca Hooyadood, kuwaasi oo xaalad xun hadda ku sugan.
Al-Shabaab ayaa ugaarsada dadka ka tirsan ciidamada Dowladda iyo
dadka ay u arkaan iney taageersan yihiin Dowladda, iyadoo Gobolada Bay
iyo Bakool ay ka mid yihiin meelaha ugu daran ee dadka lagu gowraco.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 03:52 and have
