Xukunka dilka ah ee lagu fuliyay sadaxdan nin ee Al-Shabaab jaajuusnimada ku eedeeyeen ayaa shalay galab ka dhacay fagaare kuyaala Deegaanka Buulo Mareer ee Gobolka Sh/Hoose ,waxaana soo xaadiray goobta dilku ka dhacayay Masuuliyiin katirsan Al-Shabaab iyo shacab aad u badan.

Qaadiga Maxkmada Al-Shabaab ee Gobolka Sh/Hoose ayaa sheegay in Sadaxda nin ay ahaayeen jawaasiis iyo kuwa u shaqeeya Dowlada , Waxaana ku jira Sadaxda nin ay dileen nin ka yimid deegaanada Soomaalida Itoobiya .

1-Cali isxaaq cabdi oo 24 sano jir ahayaa lagu eedeeyay in uu kamid ahaa Ciidamada NabadSugida dowladda Federaalka islamarkaana uu dhowr qof oo Al-Shabaab katirsan gacan geliyay 

2-cusmaan Mahdi Cusmaan oo 33 sana jir ah ayaa isna Shabaab ku eedeeyeen in uu musharax u ahaa gudoomiye ku xigeenka Degmada qoryooley isagoona laqabtay xili maeelshiyaad si hoose u aruursanay si uu sheegay qaadiga Al-Shabaab.

3-Bareele macalin C/Raxmaan oo 31 sano jir ah waxaa lagu eedeeyay fal jaasuusnimo isagoona ka yimid dhanka dhulka soomaaligalbeed Itoobiya waxa ayna Shabaab ku sheegeen in ninkan uu xubina ka ahaa ciidanka Liyuu Booliska.

Al-Shabaab ayaa marar kala duwan xukuno dil ah waxa ay ku fuliyeen dad ay ku eedeeyeen in ay jawaasiis yihiin una shaqeeyaan Dowlada Soomaaliya iyo Dowlado shisheeye oo gacan saar la leh Dowlada Federaalka.