Wararka la helaayo ayaa sheegaya in Sababta ka dambeysa in dadkan uu dhulka la go’o ay tahay kadib markii Roobab Mahiigaan ah ay halkaasi ka da’een , waxaana hada socda Gurmad lagu soo saarayo Meydadka dadka dhulka ku duugmay.

Boqolaal qof oo dhintay ayaa lagu guuleestay in Meydadkooda banaanka loo soo saaro , waxaana Wali socda gurmad baaxad leh Gobolka Musiibadan ka dhacday Badakhshan oo kuyaala Waqooyi Bari Dalka Afqaanistaan.

Gudoomiyaha Gobolka Badakhshan ,Shah Waliullah Adeeb ayaa xaqiijiyay in wali aan laheyn raq iyo ruux in kabadan 2,000 oo qof kadib markii uu dhulka la go’ay dadkaasi , dadka dhintay ayaana u badnaa dad isku qoys ah oo dagnaa xaafada uu dhulku la dumay.

Sida Goob joogayaal laga soo xigtay Laba jeer ayaa dhulku go’ay muddo halsaac ah gudaheed, boqolaal guri ayaa dhulka ku xabaalmey, waxaana la sheegayaa in dhulka hoostiisa ay u galeen qiyaastii 100mitir oo joog hoose ah.