daajis.com:-Wararkii ugu dambeeyay ee aan kasoo xigana wariyaha
Caasimada Online ayaa sheegaya in tirada ku dhimmatay labo qarax oo ka
dhacay Nairobi ay korartay.
Ugu yaraan 10 qof ayaa la xaqiijiyay in ay geeriyoodeen halka dad kor
u dhaafaya 70 ay dhaawacyihiin kuwaasoo loo qaaday Isbitaalo kala
duwan.
Qaraxa koowaad ayaa ka dhex qarxay Bas noona Matootuuga loo yaqaano
kaasoo qaada 14 ruux, halka qaraxa labaad uu ka dhacay gudaaha Suuqa
Gikomba oo ah suuqa aad u camiran.
Haddii aan sharaxaad ka bixino suuqa Gikomba ayaa caan ku ah in la
keeno alaabaha soo celiska waxaana looga yimaadaa dalka oo dhan.
Wuxuu suuqan ku yaalla Xaafadda Islii oo Soomaali badan ku nool
yihiin kuna ganacsadaan, tiiyoo jirtay in Soomaali badan laga qabqabtay
halkaas dhowrkii cisho ee la soo dhaafay.
Dhinaca kale, booliska ayaa gacanta ku dhigay labo qof oo lagu tuhun
san yahay in ay ka dambeeyeey qaraxyada oo ah kuwa macmal ah oo guryaha
lagu sameeyo.
Ma sheegin booliska labada qof ee la qabtay dalka ay u dhasheen,
waxaana qasan dhammaan goobta qarxyada ay ka dhaceyn oo boolis badan
ayaa jooga.
Madaxweynaha Kenya, Uhuru Kenyatta, oo khudbad ka jeedinaayay Aqalka
Madaxtooyada ayaa loo sheegay qaraxa ka dhacay Suuqa Gikomb, wuxuuna
caafimaad u rajeeyay dadka dhaawacmay.
Ilaa hadda ma jirto cid sheegatay qaraxyada ka dhacay Nairobi, balse
waxaa loo maleenayaa in ay ka dambeeyaan kooxda Al-Shabaab ee dalka
Soomaaliya kuwaasoo wacad ku maray in Kenya ay ka aarsan doonaan maadama
ay ciidamo u soo dirtay Soomaaliya.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:46 and have
