War ka soo baxay Wasaaradaha dalalka Britain, France iyo Australia ayaa lagu sheegay in muwaadiniintooda ay ka digtoonaadaan khatar dhinaca ammaanka ah oo uga imaaneysa goobaha loo dalxiis tago ee dalka Kenya, iyagoona sheegay in xaaladda ammaan ee dalalka Kenya ay tahay mid aan hagaagsaneyn xilligaan.

Sidoo kale dalalka saddexda ah ayaa muwaadiniintooda ku sugan dalka Kenya iyo kuwa haatan doonaya inay tagaan waxay ku amreen inay si degdeg ah uga baxaan dalka Kenya, bacdamaa sida ay sheegeen laga cabsi qabo inay ka dhacaan weeraro kooxaha argagixisada ah ka geystaan goobaha muhiimka ah.

Dhinaca kale digniinta dalalkaan ayaa ku soo beegantay xilli dhowaan magaalada Nairobi ay ka dhaceen qaraxyo galaaftay nolosha dad fara badan, waxayna dalalka soo saaray digniintaan ay u sheegayaan muwaadiniintooda inay muujiyaan taxadar iyo feejignaan.