daajis.com:-Sidiisaba geedi ama safar waxaad kala kulantaa waayo aragnimo iskugu
jira dhib iyo dheef taas oo saldhig u noqotaa warbaxintaada aduun uguna
muhiimsan diiwaanada buuga aad ku keeydiso taariikhda noloshaada
maalmaha kooban ee aad nooshahay.
Hadaba wax ka baro qaybtan kooban ee aanu ku faaqidi doonoo hayaankii
dheeraa iyo safarkii halista badanaa ee nolosha ‘AYAAN’ oo ah leh
dhaxalka qisada manta.
Waa xili aroor ah deegaanka waxaa ka da,ay xalay roob mahiigaan ah
saakayna daba dhigey mayaay, deegahu way qoyan yahiin dadkuna waa kuwa
kulaalaya dabka iyo dharka adag ee loogu talay galay dhaxanta, balse
aniga waxaa I hareeyey cabsi iyo naxdin deg deg ah waayo waxaa soo guda
galay qorshahii safarka iyo am baxitaankii.
Waxaa isoo sagootiyey qoys isku duuban saaxiibo fara badan iyo waliba
qaraabo si guud iyo gaar ahaaba way iigu duceeynayeen ilaa ugu
danbeeytii aanu gacmaha isu haatino muuqeenii kale qarsoomo, waxaana
isku soo horey aniga iyo dadkii ila safreyey, dhagaheygu waxay maqlayaan
guuxa gaariga iyo waliba shanqarta dabeysha.
Ku dhawaad saacad ka dib waxaan dibada uga baxay magaalada hargeysa
oo aheed halkii aan ku dhashay kuna bar baarey, waana markii iigu
horeeysay oo aan safar galo waliba mid kaligeey ah, waxaan ku wajahanay
magaalada Addis Ababa ee caasimada dalka itoobiya, si aan halkaas uga
anba qaado qaybta labaad ee safarkeyga hadii Allaha awoodo sare raali ka
noqdo, wali waxaan la daris ahay cabsi iyo wal wal.
Habaaq barad sidiisii ayaan eegayaa dhanacyada iyo dadka saran
gaariga,geedaha wadada ku hareer yaala iyo waliba san la raacida
neecawda udgoon ee dhulka miyiga. Markii shabtii dhacdey oo wadada si
qumaati ah cagta loo saaray waxaa is badalay jawigii safarka waxaa naloo
daaray heeso kale nuuc ah haba ugu badnaaneed kuwa wadani ah iyo waliba
kuwa jaceyl ahaa, dadkuna waxay ahaayeen kuwa ku maqsuuda.
Muusiga QaaCiga ah ee dagan iyo waliba hor dhaca codka Alfanaan Axmed
Cali ‘Cigaal’ ayaan maqlay waxaana sii daba xigey muusig wada shuban
iyo naaxiyadii hees dadku madaxa la wada luleen waxaana erayadeeda ka
mid ahaa ‘Waa Laysu Soo NoQon, Waxii Nool Aduunyada’ waa hubaal
maalintaas ayaan dareemey macnaha dhabta ah ee heestaas, waxayna ii
horseedey qiiro iyo waliba xasuus hore.
Waxaa dhadhan yeeshay xawaaraha gaariga iyo waliba safarkeenii, waxa
aay indhahu qabanayaan dhir aad u qurux badan, xoolo daaqaya iyo waliba
kurey dhax socda oo gacanta inoo haatinaya kama marna buuraha qurxoon ee
Rabbi dalkeena u hibeeyey.
Balse mar qura waxaa is badalay jawigii macaanaa ka dib markii mid ka
mid ah cagta, taayaradii gaariga baxday ama furutay oo mar qudhana
gaarigii dhinac u buurtay oo halis iyo gadoon qarka usaaran yahay, Allow
adaan kaa magan galnay gaari gadooma.
Geed wayn oo wadada hareerteeda ku yaala ayuu gaarigii madaxa la
galay nasiib wanaag ma gadoomin oo Illaah ayaa geedkaas nagu bad
baadiyey, qofba meeshii uu ka baxi karo ayuu ka baxay, naftu macaana
anigu waxaan ka mid ahaa dadkii ka baxay mid ka mid ah daaqadaha
gaariga, waxay aheed musiibo EEBE Naga baxiyey.
Waxaan joogney halkii mudo ku dhawa 5saacadood oo gaarigii dib loo
hagaajiyey dadkuna hoosta ka wada galeen geedaha, in kastoo sidii hore
loo wada faraxsanayn hadana jawigu waxuu ahaa mid ka soo kabanaya
cabsidii nooga timid ciladii gaariga.
Ugu danbeyntii dib waxaa u bilawday safakeenii waxaana dhib la,I ku
kale gaarnay deeganadii aan u kale soconay qof waliba waxuu ka dhaxlay
qisadaan cajiibka ah.
Intaas ayaan ku soo gaba gabaynaa Qisadeeni Maanta Iyo Diiwaankeenii
Hayaan inta aan dib ugu kulmi doono mid la mid ah qisdaan waa
saaxiibkiin ‘WaaSuge’ oo idin wada leh nala wadaag qisdaada safar hadii
iyo waxaad kala soo kulantay saaxiib.
Dhamaad: Qisadii Safarkii Ayaan Iyo Qalinkii WaaSuge Maanta Waa Naga Intaas.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 19:00 and have
