daajis.com:-Dowladda Kenya ayaa qunsul u soo magacawday magaalada Kismaayo oo fariisin u ah maamulka KMG ah ee Axmed Madoobe.
Axmad Madoobe ayaa waraaqaha aqoonsiga ka gudoomay Qunsulka ay Kenya
usoo magacowgday Kismaayo, isagoo sheegay inuu xoojinayo xiriirka u
dhaxeeya Maamulka Jubba iyo Kenya.
Qunsulkan ayaan soo marin Dowladda Federaalka Soomaaliya, taasoo laga
yaabo in ay kiciso xiisad kale maadaama ay hadda Dowladda u yeertay
Safiirkeeda si uu warbixin dheeri ah ugu keeno dhibaatada Soomaalida
Islii lagu haayo.
Qunsulkan ayaa sheegay in dhowaan xafiis uu ka furanayo magaalada
Kismaayo, si uu u sii xoojiyo xiriirka iyo wada shaqeynta Maamulka uu
hogaamiyo Axmed Madoobe iyo dowladda Kenya.
Laakiin Sarkaal ka tirsan ciidanka dowladda ee ku sugan deegaanka
Goobweyn ayaa sheegay in qunsulkan ay soo magacawday Kenya uu aheyn
qunsul, balse uu yahay Gudoomiye Gobol ay Kenya Jubooyinka u soo
magacawday, si ay dhulka deegaanada Jubooyinka ugu darsato dalkeeda.
“Waxa la keenay Qunsul ma ahan ee waa Gudoomiyaheeda Jubooyinka,
Kenya dhulkan ayaga is ka leh”ayuu yiri Sarkaalkan oo la hadlay Idaacada
Kulmiye ee magaalada Muqdisho.
Gobolada Jubbooyinka ayaa waxaa ku sugan ciidamo ka socda Kenya,
kuwaasi oo qeyb ka ah Howlgalka AMISOM, waxayna xiriir ddhow la
leeyihiin Axmad Madoobe.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 01:30 and have
