daajis.com:-Xaflad si heer sare ah loo soo agaasimay laguna taageerayay
Magacaabista Col. Cabdiraxmaan Maxamed Tuuryare (Cumda ) oo loo
magacaabay Gudoomiyaha Maxkmada Sare ee Ciidamamada Qalabka Sida ayaa
lagu qabtay caawa magaalada Qaahira ee dalka Masar.
Xafladan ooay soo qaban qaabiyeen Ururka Ardayda Soomaalida
Waxbarshada sare ka dhigata dalka Masar ayaa waxaa ka soo qeyb galay
dhamaan qeybaha kala gedisan ee Jaaliyda Soomaaliyeed ee ku dhaqan Masar
ayadoo ay dhamaan intii ka soo qeyb gashay ay tilmaameen C/raxmaan
Tuuryare inuu yahay qof howl kar ah una qalma xilka loo magacaabay.
Gudoomiyaha Ururka ardayda waxbarshada Sare ka dhigata dalka Masar
Axmed Naaji Bakaal oo xaflada Furay ayaa sheegay in Tuuryare ahaa
asaasayaashii Ururkan waxbarashada sare xiligii uu wax ka baranay dalka
Masar asigoo ku tilmaamay Tuuryare nin howl kar ah oo fir fircoon kana
dhex muuqday Bulshada Soomaalida ee ku nool Qaahira inta uu joogay Masar
asigoo tilmaamay in sharaf u tahay ardayda wax ku barata dalka Masar in
xilkaas loo magacaabo Cabdiraxmaan Tuuryare , sidookale waxaa ka hadlay
Xafalada aqoon yahan oo ay ka mid ahaayen Cabdullaahi Nuur Xasan
(dahabshiil) Caabi Faarax, Cabdiraxmaan Cilmi Hilowle, Ugaas muxudiin
iyo Cali Bashiir oo ka tirsan masuuliyiinta Safaarada Soomaaliya ee
dalka Masar ayadoo dhamaan intii ka hadashay xafadan ay Tuuryare ku
tilmaameen nin karti badan oo ka soo bixi kara xilka loo magacaabay .
Xafladan taageerada ah oo ay muujinayeen aqoonyahanka dalka Masar
ayaa waxaa lagu soo bandhigay Heeso wadani ah oo ay ka qaadeen goobta
Abwaan Axmed Deeq , Muuse Axmed Cabdalla iyo kooxda Ceesh Unit ee ka
dhisan dalka Masar ayadoona ay ku soo dhamaatay xafladan Jawi wanaagsan.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 01:22 and have
, Published at