daajis.com:-Fanaanada
Farxiya Axmed Farxiya Fiska oo sanadahan danbe ka soo shaacbaxday
dhamaan gayiga Somaliyeed iyo meel waliba oo ay Dadka Soomaaliyeed ay ku
nool yihiin waa Xidigta sanadkii 2010 loo doortay in ay aheyd
Fanaanadii loogu jeclaa.
Fanaanada
Farxiya fiska waxay ku dhalatay magaalada Wabxo ee ka tirsan degmada
Ceelbuur gobolka galgaduud, waxay iyadoo yar ay soo gashay dalka
Talyaaniga dibadeedna ay markii danbe uga soo wareegtay dalka Ingiriiska
oo ay haatan ku nooshahay.
Masrixii ugu
horeyay oo ay hees ka qaaday Farxiya Fiska waxaa ku casuumay fanaanada
weyn ee Soomaaliyeed Maryan Mursal Ciise oo ku dhiiri galisay hees ay la
heyd Fanaanada Maryan Mursal oo ay Fiska jecleyd in ay qaado, sidaana
ay markii ugu horeysay masrax soo isaagto ay ka qaaday heestaasi.
Farxiya Fiska
oo ilaah ku maneystay luuqad aad u macaan ayaa heesteedi ugu horeysay oo
ay qaaday oo ay ku soo caan baxday ay aheyd, heesta Sad iyo calaf
inkastoo hees kale ay uga sii horeysay, balse heesta sida weyn ay ugu
soo caanbaxday ay aheyd heesta Sad iyo calaf oo ay la qaado fanaanka
Diini Cagoos, heestaas oo Ereyada iyo laxanka ba uu la haa isna Abwaan
ka sanadka Siciid Sheekh Abuukar Ilka Jiir.
Durba markeey
fanaanada Farxiya Fiska ay soo caan baxday, waxaa ay ku shaacbaxday guud
ahaan meel walba oo ay Somali ay ku nooshahay, Fanaanada waxaa durbaba
ay nasiib wanaag u heshay in ay heesa kale oo cusub ay qaado iyo kuwa
hore loo qaadaba.
Fanaanada
Farhiya Fiska fanaanad oo kalli ah maaha ee waa Abwaanad da’yar laxamada
sameysa, waxay hore u sameysay heesa gaaraya ilaa lix hees oo ay miraha
heesahaasi ay iyadu ay qortay iyo kuwa ay hada soo wadaba waa sida ay
sheegtay Fanaanaduye.
Farxiya Fiska
koleey looga faaloon maayo dhamaan inta fanka Somalida xiiseysa oo waa
fanaanad la wada garanoyo, faalo iyo amaan waxaa uga filan codkeeda
baxsan oo dhagihii maqlaa durbaba ay soo jiidayaan luuqda macaan marka
ay heesaha ku luuqeyneyso.
Sanadkii tagay
waxay fanaanadu soo saartay heesa farabadan oo maqal iyo Muuqaal wada ah
oo badan kood ay si talantaali ah ay ula qaado fanaaniin kala duwan
sida Fu’aad cumar, Cabikhaaliq Maxamed siraad, Cabdi Holan iyo fanaan
kale ba.
Fanaanada
Farxiya Fiska waxaa loo doortay fanaanadii ugu fiicneyd sanadkii 2010,
taas oo ay ku muteysatay luuqdeeda macaan iyo heesaha aan kala dhicin ay
soo saartay mudooyin kii ugu danbeeyay.
Kumanaan Somali
ah ayaa fanaanada u codeeyay in ay tahay xidigta sanad ka iyadoo
fanaaniin farabadan ay kaga guuleysatay codkaasi loo qaaday, waxaana
sidoo kale dhanka raga ku guuleystay codeyntaasi fanaanka isna da’da yar
Cabdifitaax yare oo noqday fanaankii loogu jeclaa.
Farxiya fiska
waxaa dhanka kale dadka Somaliyeed ay ku xasuustan sidoo kale kal hore
heesteedii wadaniga aheyd maxaa la isku dilayaa, waxaana sidoo kale
sidey sheegtay ay soo wadaa hees wadani ah oo ay fanaanadu curisay
maraheeda oo ay ku luuqeyn doonto.
Fanaanada
Farxiya Fiska wali fankeedu fara kama qodna, oo dadaal dheeri ah waxay
ugu jirtaa sidii ay ku sii horumarin la heyd fankeeda casrigaa, waxayna
ku hanweyntahay in ay heer sare ka gaarto mustaqbalka dhow iyo mid ka
fog ba.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 05:29 and have
, Published at