daajis.com:-Ciidamada Xooga Dalka Soomaaliyeed ee ku sugan degmada Maxaas ee gobolka Hiiraan ayaa saakay gacanta ku dhigay nin ka tirsan maleeshiyada Al-Shabaab kaddib howl gallo ammaanka lagu sugayo ka wada xaafadaha degmadaasi.
Guddoomiyaha degmada Maxaas Muumin Eelaay oo wareysi siiyay Radio Muqdisho ayaa xaqiijiyay in ciidamadu ay gacanta ku dhigeen qof hubeysan oo ka tirsan maleeshiyada Al-Shabaab, kaas oo noqonaya qofkii afaraad oo ay toddobaad gudihiis ay ciidamadu gacanta ku dhigaan,
Saddex qofood oo ka tirsan Al-Shabaab ayay horay ciidamadu u qabteen kuwaas oo ku jira xabsi ku yaalla Maxaas.
Howlgalladu waxay ka socdaan tuulooyin hoos taga Maxaas oo ay ka mid tahay degaanka Goobo sida uu sheegay guddoomiyuhu.
Dhinaca kale dadka ree Guuraaga ah eek u dhaqan tuulooyinka hoos taga Maxaas ayaa weeraray koox ka tirsanayd Al-Shabaab oo doonayay inay weeraraan ciidamada dowladda ee ku sugan degmada Maxaas, Lama xaqiijin khasaaraha uu geystay iska-hor-imaad dhexmaray maleeshiyaadka dadka xoolo dhaqatada u badan ee degaanka ku nool.
xigasho:Radio muqdisho
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 15:56 and have
