Sida ay baahiyeen warbaahinta Mareykanka lamaanahan hubeesan ayaa ugu horeyn galay goob Maqayaad ah halkaas ay ku toogteen labo sargaal oo katirsanaa Ciidamada Booliiska Mareykanka oo raashin ka cunayay maqaayada .

Lamaanaha hubeesan ayaa sidoo kale weerarkaasi kadib galay Dukaanka weyn ee Walmart oo ku dhawaa halka ay ku dileen labada Sargaal , waxa ayna dukaanka ku dhax dileen qof kale,

Ciidamada Booliiska oo deg deg goobta kusoo gaaray ayaa rasaas isweedaarsadeen lamaanihii weerarka geestay , waxaana la sheegay in ay goobta isku toogteen lamaanihii weerarka fuliyay.

Warbaahinta qaarkood ayaa tabisay in Haweeneydii hubeesneed ay toogatay lamaanaheedii lasocday iyadoona xiligaa kadib is toogatay , Ciidamada Booliiska ayaana halkaasi ka qaaday meydadka kooxihii weerarka geestay.

Ciidamada booliiska ayaa wada baaritaano ku aadan sababta ka dambeysa weerarka ay geesteen lamaanahan ee dilay ilaa sadax qof ugu dambeyna iyaga is toogtay.