daajis.com:-Munaasabad aad u ballaaran isla markaasna si weyn loo soo agaasimay
laguna maamuusayey Maalinta Xornimada iyo Midnimada Umadda Soomaaliyeed
ee 26 Juun iyo 1 da luuliyo ayaa lagu qabtay maanta Magaalada Knivsta ee
dalkan Sweden.
Munaasabadan
oo ay soo abaabushay Jaaliyadda Soomaaliyeed ee Magaalada Knivsta ayaa
waxaa ka soo qeybgalay Shacab Soomaaliyeed oo aad u fara badan, Swedish,
Mudanayaal iyo Madax ka tirsan Dowladda Hoose ee Knivsta.
Munaasabaddan
oo dadweynihii ka soo qeybgalay si weyn ugu riyaaqeen ayaa waxaa
khudbado aad u xiiso badan ka soo jeediyey Madax Sharafeedkii ka soo
qeybgalay oo ay ka mid ahaayeen Klas Bergström oo ah Duqa Magaalada Knivsta, Christer Johansson oo ah Gudoomiyaha Xisbiga Bidixda (Vänsterpartiet), Britta
Lästh oo ah Madaxa Gudigga Hiddaha iyo Dhaqanka ee Knivsta, Gunnar
Ormeus oo ah Gudoomiyaha Xisbiga Socialdemokrats ee Knivsta, Mudane
Axmed Aadan Guuleed, Gudoomiyaha Jaaliyadda Soomaaliyeed ee Söderhamn,
Mudane Sare Cabdullaahi Yalaxow Maalin, Xoghayihii Hore ee Ururka
Waddaniyiiinta Soomaaliyeed, Mudane Aadan Turre oo ka mid ah Odayaasha
Soomaaliyeed Uppsala, iyo Mudane Saciid Borama oo ka socda Jaaliyadda
Soomaaliyeed ee Uppsala.
Khudbadahan ay Madax Sharafeedku soo jeediyeen ayaa xambarsanaa dhiiri galin iyo is xasuusin dhibaatadii Gumaystuhu u gaystay Somalia iyo in lagu dadaalo Midnimadda Ummadda Soomaaliyeed.
Waxaa
kaloo khudbad soo dhaweyn ah iyo mahad celin ah soo jeediyey
Gudoomiyaha Jaaliyadda Soomaaliyeed ee Knivsta Mudane Cumar Faarax
Xalane.
Gudoomiyaha
ayaa si weyn ugu mahadceliyey dhamaan Madaxdii iyo dadweynihii ka soo
qeybgalay iyo dadkii kaalinta weyn ka qaatay qaban qaabada iyo
hirgalinta Munaasabaddan. Waxaa kaloo uu Gudoomiyuhu u Mahad celiyey
Dowladdan Sweden iyo Dowlada
Hoose ee Magaalada Knivsta maadaama ay Umadda Soomaaliyeed ee ku nool
Magaalada ay ku ku soo dhaweeyeen Magaaladan Knivsta iyo Wadankan
Sweden.
Munaasabaddan oo Madaxdii iyo shacabkii kasoo qeybgalay loogu soo bandhigay Hiddaha iyo Dhaqanka Soomaaliyeed, Ciyaaro iyo Fan
iyo Cuntada Dhaqanka u ah Umadda Soomaaliyeed ayaa waxa ay u
mahadceliyeen intii soo abaabushay iyo gabdhihii Soomaaliyeed ee
Sharafta lahaa ee Cuntada aadka u macaan iyo quruxda meesha ka
shaqeeyey, Gabdhahaas sida weyn loogu riyaaqay looguna mahadceliyey
waxaa ka mid ahaa Fartuun Xasan, Jamiilo Nuur, Fatxo Shire, Ayaan Shire,
Amaal Shire, Farxiyo Ciise, Raaliyo Ciise, Malika, Shamso Cabdullahi
iyo Maamo Aamino.
Munaasabadda
ayaa si wanaagsan lagu soo gabagabeeyey iyadoo dhamaan dadkii ka soo
qeybgalay laga dheehanayey wajiyadooda farxad iyo rayn rayn aad u
sareysa.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 17:58 and have
