daajis.com:-Warbixin iyo muuqaal uu baahiyay TV-ga CBS News ee dalka Canada
ayaa waxaa kasoo muuqday wiil uu adeer u yahay Wa’iisul wasaarahii hore
ee Soomaaliya Cabdi Faarax Shirdoon Saacid oo ku biiray kooxda
Islaamiga Ciraaq iyo Shaam ee loo yaqaan ISIS ee dagaalada ka wada Syria
iyo Ciraaq.
Faarax Maxamed Faarax Shirdoon wuxuu ku noolaa magaalada Caglari ee
dalka Canada, waxaana wiilkaani Adeer rumaad u ah R/wasaarihii hore ee
Soomaaliya Cabdi Faarax Shirdoon.
Wiilkaan ayaa kasoo muuqday baraha Internetka ee Al-qaacidada, isagoo
hanjabaad u diraya dalalka Mareykanka iyo reer Galbeedka, isagoo
sheegay in Syria u yimid sidii uu u burburin lahaa wax uu ku sheegay
caddowga.
“Waxaan halkaan u imid inaan idin bur burino, waana idiin soo soconaa Iddin Alle” ayuu yiri Mr. Faarax Maxamed Faarax Shirdoon.
Faarax ayaa gubay baasaboorkii uu watay ee Canada markii uu Syria tagay sida la aaminsan yahay bilowgii sanadkaan.
Faarax hooyadiis iyo walaashii oo degen magaalada Caglary ee dalka
Canada oo ah qoys diimeed ayaa sheegay inay jah wareer iyo wal wal aan
yareyn ka qaadeen markii ay maqleen in Faarax uu ka dagaalamayo dalalka
Syria iyo Ciraaq.
Halkaan Ka Daawo video-ga
Wiilkaan ayaa ka mid
ah Boqalaal dhalinyaro Soomaaliyeed oo dalalka Mareykanka, Canada iyo
Yurub ka tegay, kuna biiray kooxaha Islaamiyiinta ee ka dagaalamaya
dalalka Syria iyo Ciraaq.
Dhawaan dawlada Ciraaq waxay sheegtay inay duqeyn ku dishay muwaadin Soomaaliyeed oo Al-Qacidada Ciraaq iyo Syria ka tirsanaa.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 02:04 and have
