daajis.com:-Guddoomiyaha Maxkamadda Sare ee Ciidamada Qalabka sida Dowlada Soomaaliya Gaashaanle sare C/raxmaan Maxamed Tuuryare ayaa sheegay ay aysan marnaba dhici doonin in ruux katirsan AL-Shabaab oo soo gala gacanta ciidanka Dowlada in la sii daayo.
Mr Tuuryare ayaa tilmaamay in ruuxii lagu helo in uu katirsan yahay Xarakada Al-Shabaab in aan marnaba laga sii deyn doonin xabsiga waxa uuna intaa raaciyay in uu wajihi doono ciqaab adag oo u dhiganta dambiga uu galay.
Guddoomiyaha Maxkamadda Sare ee Ciidamada Qalabka sida ayaa dhanka kale ka codsaday Shacabka Soomaaliyeed in ay gacan ka geestaan soo sheegida xubnaha katirsan Al-Shabaab ee deegaanadooda jooga si cadaalada loo horgeeyo.
Gaashaanle sare C/raxmaan Maxamed Tuuryare ayaa carabka ku dhiftay in Xabsiyada Dowlada aysan kusii jiri doonin cid aan dambi laheyn oo si aan sharci aheyn loo soo xiro.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 21:41 and have
