daajis.com:-Sarkaal katirsan Ururka Alshabaab dhalasho ahaana kasoo jeedaay dalka
Ruwanda, ayaa lagu soo waramayaa inuu isku dhiibay Ciidamada Kenya ee
Mandheera ku sugan.
Sarkaalkan oo lagu magacaabo Pascal
Bizmungu, magaciisa Xarakiga ahna lagu magacaabo C/risaaq, ayaa
dhamaadkii todobaadkan isku dhiibay Ciidamada Kenya ee kusugan Xuduudka
mandheera.’
Pascal Bizmungu, ayaa la sheegay inuu Orod ku galay Maxkamad ku taal
Mandheere, dabadeedna uu Ciidanka u sheegay inuu kasoo baxsaday
Hogaamiyaha Alshabab Godane, kaasoo waayadaanba waday ugaarsiga
Saraakiisha ajnabiga ah ee Kooxdiisa ka tirsan.
Ninkan ayaa Amiir u ahaa ilaa 50 dagaalyahan, kuwaasoo u xilsaarnaa Weerarida Ciidamada AMISOM ee ku sugan gudaha Somalia.
Ninkan ayaa la sheegay in markii ugu
horeysay isaga oo agoon ah uusoo galay dalka Kenya sanaddii 1996-kii,
halkaasi oo uu ku koray magaalada Mombasa, ka hor inta uusan ku biirin kooxda Al-Shabaab.
“Waxaan u dul qaadan waayey tacaddiyada joogtada ah ee Axmed Godane waana iska soo cararay” ayuu yiri.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 17:30 and have
, Published at