daajis.com:-Labo ciyaar oo xiiso leh oo ka tirsan wareega 8-da ee Quarter Finalka
Koobka Aduunka ayaa caawa waxa ay dhex mari doontaa Xulalka France
vs Germany iyo Brazil vs Colombia, waxaana kulamadan ay yihiin kuwo si aad ah isha loogu haayo.
Ciyaarta ugu soo horeysa ayaa caawa marka ay saacada geeska afrika
tahay 7-da fiidnimo waxa ay garoonka Maracana Stadium ee magaalada Rio
de Jenior ku dhex mari doontaa xulalka France iyo Germany oo ka mid ah
xulalka ugu tunka weyn Yurub.
Labada xul ayaa horay isku arkay Koobabkii aduunka ee sanadihii 1982
iyo 1986, waxaana labada jeer ee ay is arkeen xilligaas badinayay xulka
Germany, marka ciyaar ahaan la eegana waa labo xul oo aad u xafiilmata.
Xulka Germany ayaa saddexdii sano ee la soo dhaafay soo gaarayay
wareega afar dhamaadka ee Sema Finalka sida sanadihii 2002, 2006 iyo
2010, waxaana uu horay ugu guuleystay saddex jeer, waxaa ugu dambeysay
Koobka sanadkii 1990-kii ee lagu qabtay dalka Talyaaniga.
Sidoo kale xulka France ayaa koobka aduun ee ugu horeeyay qaaday
1998-dii, waxaana sanadihii u dambeeyay ee ka qeyb qaadashadiisa koobka
aduunka ay ahaayeen kuwo hooseeyay, laakiin Tababare Didier Dechamps
ayaa soo xulay ciyaartoy da’yar ah oo xirfado leh.
Ciyaarta labaad ayaa dhex mari doonta xulka marti gelinaya Koobka
aduunka ee Brazil iyo xulka Colombia oo laga yaaban yahay, waxaana si
gaar ah isha loogu heyn doonaa xidigaha labada xul u kala qaata Nambarka
10aad ee da’da yar waa Neymar iyo James Rodriguez.
James Rodriguez ayaa labo gool oo qurux badan ka dhaliyay xulka
Uruguay, ciyaartii ka tirsaneyd wareega 16-ka, waxaana xidigan uu
hogaanka u hayaa gool dhalinta koobka aduunka, isagoo dhaliyay 5-gool.
Brazil oo horay shan jeer ugu guuleysatay Koobka aduunka ayaa rajo ka
qabta inay markii lixaad qaadi, balse waxaa imtixaan badan ka heysta
sida ay uga gudbi laheyd dalalka Latin America ka soo jeeda oo ay is
ciyaar yaqaanaan.
Ciyaartii u dambeysay ee Brazil la ciyaartay Chile ayaa aheyd mid
qaab ciyaareedkii lagu yaqaanay aanay soo bandhigin, isla markaana si
nasiib leh ay rigoorayaal ugaga badisay Chile, waxaana heysta cadaadis
badan ciyaartoydooda sidii ay sumcada wadankooda u bad baadin lahaayeen.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 22:31 and have
, Published at