daajis.com:-Dowlada Sacudi Carabiya ayaa geysay ciidamo gaaraya 30,000 oo
askari xadka ay la wadaagto wadanka Ciraaq kadib markii ay ciidamadii
Ciraaqiyinta ahaa ee hore halkaas u joogay ay isaga baxeen.
Wadanka ugu wax soo saarka badan caalamka dhinaca saliida ayaa la leh
xad dhererkiisu yahay 800-km (500-mile) wadanka Ciraaq halkaa oo ay
ururka ISIS oo haatan u xuub siibtay dowlada Islaamiga ah aya qabsadeen
magaalooyin badan.
Boqor Cabdalle ayaa amray dhamaa wixii looga baahan yahay si looga
ilaaliyo boqortoyada halista uga iman karta ururkan sida ay sheegtay
wakaalada wararka ee SPA.
Shabakada taleefishinka al-Arabiya ayaa sheegay in ciidamada Sacudiga
la geeyay xadka kadib markii ay baneeyeen ciidamadii halkaa u joogay
balse dowlada Ciraaq ayaa beenisay in ay ciidamadeeda ka soo baxeen
xadka.
Al-arabiya ayaa waxa kale oo uu sheegay in ay heleen cajalad muuqaal
ah oo tusinaya illaa 2,500 oo askari oo Ciraaqiyiin ah oo ka tagaya
xadka iyagoo ku sugan bariga magaalada Karbala.
Sarkaal muuqaalkan ku jira ayaa waxa uu sheegay in askarta lagu amray in ay ka tagaan xadka iyadoo aan wax sabab ah loo sheegin.
Afhayeen u hadlay wasaarada arrimaha gudaha ee dalka Ciraaq ayaa u
sheegay BBCda in ciidamada dalka Ciraaq ay si caadi ah uga howlgalayaan
xadka kala qeybiya labada dhinac.
Boqorka Boqortoyada Sacudi Carabiya King Abdullah ayaa qadka
taleefanka kula sheekeystay madaxweynaha dalka Maraykanka Barack Obama
iyagoo ka wadahadlay halista ku soo fool leh wadamada Bariga Dhexe.
Madaxweyne Obama ayaa waxaa uu uga mahadceliyay boqorka Sacudi
Carabiya deeqda lacagta ah ee gaareysa $500m (£291m) oo ay ugu deeqday
Qaramada Midoobay si loogu gargaaro dadka ku dhibaateysan wadanka
Ciraaq.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 15:30 and have
